မြန်မာ့ရုပ်ရှင်နဲ့ မြန်မာ့လူ့အဖွဲ့အစည်းရဲ့ အတွေးအခေါ် အမူအကျင့် အပြောင်းအလဲ

7day သတင်းစာ
မှူးသစ်​

ရုပ်ရှင်အနုပညာဆိုတာ လူ့အဖွဲ့အစည်းပေါ် လွှမ်းမိုးမှုရှိတဲ့ သိမ် မွေ့တဲ့ စွမ်းအား (Soft Power) တစ်ခုအဖြစ် နိုင်ငံတော်အတိုင် ပင်ခံပုဂ္ဂိုလ် ဒေါ်အောင်ဆန်းစု ကြည်က ပြီးခဲ့တဲ့နှစ် အကယ်ဒမီ ပေးပွဲ မိန့်ခွန်းအတွင်းမှာထည့်ပြီး ပြောဆိုခဲ့ဖူးပါတယ်။
တကယ်တမ်းလည်း ကမ္ဘာပေါ်မှာ လူ့အဖွဲ့အ စည်းရဲ့
အတွေးအခေါ်တွေ၊ အ မူအကျင့်တွေ ပြောင်းလဲတဲ့အခါ
ရုပ်ရှင်ဇာတ်ကားတွေကို ၀ါဒဖြန့် ချိတဲ့ အရာတစ်ခုအဖြစ်
အသုံးပြု လေ့ရှိကြပါတယ်။
ဒါတင်မကသေးပါဘူး။ နိုင်ငံတစ်ခုရဲ့ ယဉ်ကျေးမှုတွေ၊
ထုတ်ကုန်ပစ္စည်းတွေကို ကမ္ဘာမှာ ထွန်းကား ပြန့်ပွားစေဖို့အတွက် ရုပ်ရှင်ဇာတ်ကားတွေကတစ်ဆင့် လုပ်ဆောင်ကြတာတွေလည်း
ရှိ ပါတယ်။ ဖြတ်သန်းခဲ့တဲ့ သမိုင်း အတွင်းက နောင်တရစရာ
အဖြစ် အပျက်တွေကို သတိပြုမိစေဖို့၊ သင်ခန်းစာယူနိုင်ဖို့
ပြန်လည်ရိုက် ကူးပုံဖော်ထားကြတဲ့ ရုပ်ရှင်ဇာတ် ကားတွေလည်း အများအပြား ရှိ ကြသလို လူ့အဖွဲ့အစည်းအတွင်း က အမုန်းတရားတွေ၊ ခွဲခြားဆက် ဆံမှုတွေ ပပျောက်ပြီး လူသား ချင်းစာနာမှုတွေ ထွန်းကားလာ အောင် ရိုက်ကူးခဲ့ကြတဲ့ နာမည် ကျော် ရုပ်ရှင်ဇာတ်ကားတွေ လည်း အများအပြား ရှိကြပါ တယ်။ ဆိုရရင်တော့
ရုပ်ရှင်ဇာတ် ကားတွေဟာ ဖျော်ဖြေရေးနဲ့ အနု ပညာသက်သက်သာ မဟုတ်ဘဲ အနုပညာကို အသုံးပြုပြီး လူ့အ ဖွဲ့အစည်းကို တည်ဆောက်တဲ့ အရာတစ်ခုအဖြစ်ပါ အရေးပါ တယ်လို့ ယူဆနိုင်ပါတယ်။
၂၀၁၆ လောက်အတွင်းမှာ မြန်မာ့ရုပ်ရှင်ဇာတ်ကားတွေဟာ ‘ပေါကားများရပ်’ဆိုတဲ့ လှုပ်ရှား မှုနဲ့အတူ ကျယ်ကျယ်လောင် လောင် ဝေဖန်ခံခဲ့ရပါတယ်။ တကယ်တမ်းလည်းပဲ မြန်မာ့ရုပ်ရှင်ဇာတ်ကား အများစုဟာ အရိုးစွဲနေတဲ့ ပြက်လုံးတွေနဲ့ ဟာသဇာတ်ကားတွေသာ အများအပြားဖြစ်ခဲ့ပါတယ်။ စိတ်အပန်းဖြေလိုသူတွေ ကြည့်ရှုနိုင်ဖို့ ရိုက်ကူးကြတဲ့ ဟာသဇာတ်ကားတွေကလည်း ရိုက်သမျှ ပြည်တွင်းမှာ အောင်မြင်မှုရခဲ့ပါတယ်။ ဒါပေမဲ့ တစ်ဖက်မှာတော့ ဇာတ်လမ်းတွေက ရိုးအီပြီး အခါခါထပ်နေတာ၊ ရိုက်ကူးချိန် နည်းနည်းနဲ့ ဖန်တီးထားတာကြောင့် အရည်အသွေး ပိုင်းဆိုင်ရာ အားနည်းနေတာတွေ ရှိခဲ့ပါတယ်။
ဒါတင်မက သေးပါဘူး။ ဟာသဇာတ်ကားတွေဟာ လိင်စိတ်ကွဲပြားသူတွေကို လှောင်ပြောင်ဟာသ လုပ်ကြတာ၊ အသားအရောင်နဲ့ ဘာသာစကားတွေအပေါ် လှောင်ပြောင်ဟာသ လုပ်ကြတာ အများအပြား ပါဝင်နေခဲ့ပြီး ဒါဟာ လူ့အဖွဲ့အစည်းကို ခွဲခြားဆက်ဆံမှုတွေ၊ မတူကွဲပြားမှုတွေကို လှောင်ပြောင်နှိမ်ချတတ်ဖို့
သင်ကြားပေးနေ သလိုတောင် ဖြစ်စေခဲ့ပါတယ်။
ဒီဘက်နှစ် ၂၀၁၇ နဲ့ ၂၀၁၈ခုနှစ် ကာလအပိုင်းအခြားအတွင်း ဟာ မြန်မာ့ရုပ်ရှင် ဇာတ်ကားတွေ ရဲ့ လှုပ်ခတ်ပြောင်းလဲမှုတွေ မြင်တွေ့လာရတဲ့ အချိန်တစ်ခုလို့ ဆိုရမှာပါ။ ရိုးအီနေတဲ့ ဇာတ်လမ်း၊ ဇာတ်ကွက်တွေ၊ သရုပ်ဆောင် ဟန်ပန်တွေကို ငြင်းပယ်ပြီး အသစ်ကို ဖန်တီးလိုကြတဲ့ လူငယ်တွေ၊ဒါရိုက်တာတွေ ပေါ်ထွက်လာခြင်းနဲ့အတူ မြန်မာရုပ်ရှင်ဇာတ်ကားတွေနဲ့ ကြည့်ရှုသူတွေကြား ထဲမှာ အရည်အသွေးဆိုတဲ့ ကဏ္ဍတစ်ခု ပေါ်ထွက်လာခဲ့ ပါတော့တယ်။ ဖျော်ဖြေရေး လမ်းကြောင်းပေါ် ကနေပဲ အနုပညာဖန်တီးမှုကို အသစ်ဖြစ်စေမယ့် ရုပ်ရှင်ဇာတ်ကားတွေ ပေါ်ထွက်ခဲ့သလို ပရိသတ်တွေ အသိအမှတ်ပြု အားပေးသံတွေလည်း ကျယ်လောင် လာခဲ့ပါတော့တယ်။ လူငယ်ဒါရိုက်တာတွေ ဖြစ်ကြတဲ့ ဒါရိုက်တာ ခရစ်(စ)တီးနားခီရဲ့ ‘မုဒြာရဲ့ခေါ်သံ’ နဲ့ ‘ဥပါယ်တံမျဉ်’၊ ဒါရိုက်တာ ထူးပိုင်ဇော်ဦးရဲ့ ‘ည’၊ ဒါရိုက်တာ အာကာရဲ့ ‘ဒုဌ၀တီကိုလွန်၍’စတဲ့ ဇာတ်ကားတွေက စလို့ ဒါရိုက်တာဏကြီးရဲ့ ‘မီ’စတဲ့ ဇာတ်ကားတွေဟာ မြန်မာရုပ်ရှင် ဇာတ်ကားတွေရဲ့ အရည်အသွေးပိုင်းနဲ့ အနုပညာဖန်တီးမှုကို ခေါင်းလောင်းထိုးလိုက်တဲ့ ဇာတ်ကားတွေအဖြစ် လှုပ်လှုပ်ခတ်ခတ် ဖြစ်ခဲ့ပါတယ်။
ဒီအချိန်ကာလတွေ မတိုင်ခင် လွန်ခဲ့တဲ့ ဆယ်နှစ်ဝန်းကျင်
တုန်းလောက်ကတော့ ဆာတိုရီ ထုတ်လုပ်ရေးက ရိုက်ကူးခဲ့တဲ့ ဗီဒီယိုဇာတ်ကား​တွေဟာ အနုပညာအသစ် ဖန်တီးမှုတွေနဲ့ ဗီဒီယိုလောကကို ထိုးဖောက်ခဲ့ဖူးပေမယ့် ရုပ်ရှင်ဇာတ်ကားတွေ အနေနဲ့တော့ ပေါ်ထွက်လာတာ မရှိခဲ့ပါဘူး။
ဒီဆောင်းပါးအတွင်းမှာ မြန်မာရုပ်ရှင်လောကရဲ့
အရွေ့ကောက်ကြောင်း အချို့ကို ဖော်ပြခဲ့တာက မြန်မာ့ရုပ်ရှင်
ဇာတ်ကားတွေရဲ့ ဦးတည်မှု အခြေအနေတွေကို တီးခေါက်မိနိုင်ဖို့
ဖြစ်ပါတယ်။ မြန်မာ့ရုပ်ရှင် ဇာတ်ကားအများစုမှာ လူမျိုး၊ ဘာသာစကားနဲ့ လိင်၊ အသားအရောင်၊ အဆင့်အတန်းတွေကို
ခွဲခြားဆက်ဆံတတ် တဲ့ အမူအကျင့်တွေ၊ သင်ကြားတဲ့
ပုံသဏ္ဌာန်တွေ ပါဝင်နေခဲ့ပါတယ်။ ဒါပေမဲ့ တစ်ဖက်မှာ
လူ့အဖွဲ့အစည်း အတွင်းက ပြဿနာတွေကို နားလည်လာဖို့
အရိုးစွဲနေတဲ့ ခွဲခြားဆက်ဆံမှုတွေ ပပျောက်ဖို့၊ လူသားချင်း စာနာမှုတွေ ဖြစ်တည်လာစေဖို့၊ စစ်ပွဲနဲ့ ပဋိပက္ခတွေ ချုပ်ငြိမ်းစေဖို့ ဖန်တီးတဲ့ အခြေအနေကို ဦးတည်နေတာ မရှိခဲ့ပါဘူး။ ပြည်တွင်းစစ်ကို ဖန်တီးတဲ့ဇာတ်ကားတွေမှာ ဆိုရင်လည်း အခြားတစ်ဖက်ကို ဗီလိန်အဖြစ်ပုံဖော်ပြီး ယုံကြည်မှုတည်ဆောက် ဖို့ ခက်ခဲသွားတဲ့
ဇာတ်လမ်းဇာတ်ကွက်တွေကို ပုံဖော်ခဲ့တာမျိုး တောင်
ရှိခဲ့ပါသေးတယ်။
ဒီဘက်နှစ်ပိုင်းအတွင်းမှာ ပရိသတ်တွေ ကြား လှုပ်လှုပ်ခတ်ခတ်ဖြစ်တဲ့ ဇာတ်ကားတွေထဲမှာ ဆိုရင်လည်း မုဒြာခေါ်သံ ဇာတ်ကား
တစ်ကား လောက်ကသာ မြန်မာ့ယဉ်ကျေး မှုနဲ့ အစဉ်အလာကို
ကမ္ဘာမှာ ချပြချင်တဲ့ စိတ်ဆန္ဒမျိုးကို မြင်တွေ့ခဲ့ရတဲ့
ဇာတ်ကားအဖြစ်မင်တွေ့ခဲ့ရပါတယ်။
အနုပညာဟာ အနုပညာဖန်တီးမှု​သက်သက်အတွက်လား၊
အနုပညာဟာ လူ့အဖွဲ့အစည်းအတွက်လားဆိုတာက
ခေတ်အဆက်ဆက် တည်ရှိခဲ့တဲ့ ငြင်းခုံမှုတစ်ခု ဖြစ်ပါတယ်။
ဒါပေမဲ့လည်း ရုပ်ရှင်ဇာတ်ကားတွေဟာ လူ့အဖွဲ့အစည်းအပေါ်
လွှမ်းမိုးမှုကြီးမားတဲ့ အရာတစ်ခုဖြစ်တဲ့ အတွက်
ရုပ်ရှင်အနုပညာ ဖန်တီးမှုတိုင်းမှာ လူ့အဖွဲ့အစည်းဆိုတာ ကို ထည့်သွင်းစဉ်းစားဖို့ လိုအပ်နေတာ အမှန်ပါပဲ။
ကမ္ဘာပေါ်မှာ လူသားချင်းစာနာမှုကို ဖြစ်တည်လာစေမယ့် နာမည်ကျော် ဇာတ်ကားတွေ၊ စစ်ပွဲနဲ့ ပဋိပက္ခတွေ နောက်ထပ်ဖြစ်ပေါ် မလာရအောင် ဖန်တီးပုံဖော်ထား တဲ့ နာမည်ကျော်ဇာတ်ကားတွေ အများပြားရှိခဲ့ပါတယ်။ ရ၀မ်ဒါနိုင်ငံရဲ့ လူမျိုးတုံးသတ်ဖြတ်မှုကို ပုံဖော်ထားတဲ့ Hotel Rwanda ဇာတ်ကား၊ လူသားချင်းစာနာမှု ကို နှလုံးသားထဲအထိ ထိုးဖောက်စေနိုင်တဲ့ Beyond Border
ဇာတ်ကား၊ စစ်ပွဲကြားက မေတ္တာတရား ကို ဖော်ညွှန်းပြနိုင်တဲ့ Hack Saw ဇာတ်ကား၊ တောင်အာဖရိကနိုင်ငံရဲ့
အမျိုးသားရင်ကြားစေ့ရေးမှာ အမှန်တရားနဲ့ ထိခိုက်နစ်နာသူ
တွေအ​​ပေါ်ပြန်လည်စာနာပေးမှုကိုပုံဖော်ထားတဲ့ Forgiven
ဇာတ်ကား စတဲ့ ဇာတ်ကားတွေအပြင် လူမျိုးရေး ခွဲခြားမှုတွေရဲ့
အကျိုးအပြစ်တွေကို မြင်လာဖို့၊ ခံစားနိုင်လာဖို့နဲ့
အသားအရောင် ခွဲခြားမှုတွေထပ်ဖြစ်မလာစေဖို့
ဖန်တီးပုံဖော်ကြတဲ့ နာမည်ကျော်ဖြစ်ရပ်မှန် ဇာတ်ကားတွေဟာ
စံနမူနာယူစရာတွေ ဖြစ်ပါတယ်။
လူ့အဖွဲ့အစည်းအတွင်းက လွဲမှားနေတဲ့ အတွေးအခေါ်တွေ ကို ရဲရဲတင်းတင်း ပြောင်းလဲဖို့ ကြိုးစားတဲ့နေရာမှာ ဘောလိဝုဒ် ဇာတ်ကားတွေဟာ သတိပြုစရာ ကောင်းလှပါတယ်။ အိန္ဒိယနိုင်ငံဟာ ဒီမိုကရေစီ ရင့်ကျက်နေတဲ့ နိုင်ငံတစ်ခုဖြစ်ပေမယ့် အိန္ဒိယလူ့အဖွဲ့အစည်းကတော့ အယူဝါဒမျိုးစုံနဲ့ ရှေးရိုးစွဲ အယူအဆတွေ
ကြီးကြီးမားမား ရှိနေတဲ့ လူ့အဖွဲ့အစည်းမျိုးလို့ မြင်ကြလေ့ ရှိပါတယ်။ အိန္ဒိယလူ့အဖွဲ့အစည်းရဲ့ အတွေးအခေါ် အယူအဆတွေကို ရဲရဲတင်းတင်းပဲ ပြောင်းလဲဖို့ ကြိုးစားတဲ့ ဘောလိဝုဒ်နာမည်ကျော် ဇာတ်ကားတွေ လည်း အများအပြား ရှိပါတယ်။ ဘာသာရေး အယူသီးမှုတွေကို မေးခွန်းထုတ်ထားတဲ့ PK ဇာတ်ကား၊ ပညာရေးစနစ်နဲ့ လူငယ်တွေရဲ့ အိပ်မက်တွေကို တန်ဖိုးထားဖို့ ထောက်ပြထားတဲ့ 3 adios ဇာတ်ကား၊ ဓလေ့ထုံတမ်း အစဉ်အလာတွေနဲ့ ကျား၊မ ခွဲခြားမှုတွေရဲ့ လွဲချော်မှုတွေကို ထောက်ပြထားတဲ့ Water ဇာတ်ကား၊ နောက် ကျား၊မခွဲခြားမှုတွေကိုပဲ မေးခွန်းထုတ်ထားတဲ့ PINK ဇာတ်ကား၊ အိန္ဒိယနဲ့ပါကစ္စတန် ၂ နိုင်ငံကြားက အမုန်းတရားနဲ့ မေတ္တာတရားကို ပုံဖော်ပြထားတဲ့ Bajrangi Bhaijaan ဇာတ်ကား၊ ဖိုဝါဒလွန်ကဲမှုနဲ့ အိမ်တွင်း အကြမ်းဖက်မှုတွေကို သတိပြုစေနိုင်တဲ့ Secret Superstarဇာတ်ကား စသည်ဖြင့် လူ့အဖွဲ့အစည်းရဲ့ လွဲချော်နေတဲ့ အယူအဆတွေကို ထောက်ပြထားတာ၊ မတူကွဲပြားမှုတွေကြား လူသားချင်းစာနာဖို့၊ လေးစားတတ်ဖို့ ထောက်ပြထားတဲ့ ဘောလိဝုဒ်ဇာတ်ကား တွေ အများအပြားရှိပါတယ်။ ဇာတ်ကားအများစုဟာ မြင့်မားလှတဲ့ နည်းပညာအကူအညီ ယူထားတဲ့ ဇာတ်ကားတွေ မရှိသလောက်ပါပဲ။ ရုပ်ရှင်ဇာတ်ကား တွေကို ဖန်တီးသူတွေရဲ့ အတွေးအခေါ် ပွင့်လင်းမှု၊ ရင့်ကျက်မှုနဲ့ အနုပညာဖန်တီးနိုင်မှုတွေကသာ အရေးပါခဲ့တဲ့ ဇာတ်ကားတွေ
ဖြစ်ပါတယ်။
ဟောလိဝုဒ်၊ ဘောလိဝုဒ်ဇာတ်ကားတွေနဲ့ ယှဉ်လာခဲ့ရင်မြန်မာရုပ်ရှင် ဇာတ်ကားတွေအနေနဲ့ ဖန်တီးမှုနဲ့ နည်းပညာပိုင်းအရ အမီလိုက်နိုင်ဖို့ ခဲယဉ်းတယ်ဆိုပေမယ့် အတွေးအခေါ် ခံယူချက်နဲ့
အနုပညာဖန်တီးမှုတွေကတော့ စိတ်စေတနာနဲ့ စံနှုန်းတွေကို
အလေးထားမှုရှိမယ်ဆိုရင် ဖြစ်လာနိုင်တဲ့အရာတွေပါ။
ဒီကနေ့ မြန်မာ့လူ့ အဖွဲ့အစည်းအတွင်းမှာ ဘာသာရေး၊ လူမျိုးရေးဆိုင်ရာ ခွဲခြားဆက်ဆံမှုနဲ့ အမုန်းတရား တွေ ကို အခြေခံတဲ့ ပဋိပက္ခတွေကို ကြုံတွေ့ခဲ့ရပါတယ်။ နေ့စဉ်နဲ့အမျှ ဖေ့စ်ဘွတ်ခ်လို ဆိုရှယ်နက်ဝပ်ခ်တွေမှာ အမုန်းစကားပြော ဆိုမှုတွေကို မြင်တွေ့နေရတဲ့ အခြေအနေလည်း ရှိလို့နေပါတယ်။ ပြည်တွင်းစစ်ရဲ့ အကျိုးဆက်တွေ ကြောင့် ထိခိုက်နစ်နာနေရတဲ့ သူတွေလည်း အများအပြားရှိနေခဲ့ ပြီး၊ ပြည်တွင်း ငြိမ်းချမ်းရေးရရှိဖို့ ဆိုတာက လမ်းခရီး တစ်ဝက်မှာပဲရှိနေပါသေးတယ်။ ဒီလိုအခြေအ နေမျိုးမှာ မြန်မာ့လူ့အဖွဲ့ အစည်းအတွင်းမှာ ပြောင်းလဲဖို့ လိုနေတဲ့အတွေးအခေါ် အမူအကျင့်တွေ ပြောင်းလဲနိုင်ဖို့ လူသားချင်းစာနာမှုနဲ့ မတူကွဲပြားမှုတွေအပေါ် သဟဇာတဖြစ်လာဖို့ဆိုတာက လူ့အဖွဲ့အစည်းအပေါ် လွှမ်းမိုးမှုကြီးမားတဲ့ မြန်မာ့ရုပ်ရှင် ဇာတ်ကားတွေကလည်း အရေးပါနေတာ အမှန်ပါပဲ။
မြန်မာ့လူ့ အဖွဲ့အစည်းအ တွင်းမှာ အမုန်းတရားနဲ့ အမုန်းစကားတွေ မပြောကြဖို့၊ မတူကွဲပြားမှုတွေကို နားလည်နိုင်ဖို့၊ စစ်ပွဲတွေရဲ့ အကျိုးဆက်တွေကို ခံစားလာနိုင်ဖို့ ဖန်တီးပုံဖော်ကြတဲ့ စာပေတွေ၊ ကဗျာနဲ့ ဂီတတေးသီချင်းတွေ ထွက်ရှိခဲ့တာ ရှိပေမယ့် ပင်မရေစီးကြောင်းထဲက ရုပ်ရှင်ဇာတ်ကားတွေမှာ မြင်တွေ့ရခြင်းတော့ မရှိနိုင်သေးပါဘူး။ လူ့အခွင့်အရေး ရုပ်ရှင်ပွဲတော်တွေမှာ ၀င်
ရောက်ပြသကြတဲ့ မှတ်တမ်းရုပ်ရှင်၊ ဇာတ်လမ်းတို စသည်ဖြင့် လူ့အခွင့်အရေးဆိုင်ရာ ချဉ်းကပ်မှုတွေ၊ စံနှုန်းတွေ ဖန်တီးကြတဲ့ ဇာတ်ကားတွေရှိပေမယ့် ဒါတွေက ပင်မရေစီးကြောင်းအတွင်းက ရုပ်ရှင်ဇာတ်ကားတွေ မဟုတ်သလို အများပြည်သူကို ပျံ့နှံ့နိုင်ဖို့က
လည်း အခက်အခဲတွေ ရှိနေဆဲပါ။
ရုပ်ရှင်ဇာတ်ကားတစ်ကား ဖန်တီးဖို့ ဆိုတာဟာ လူအင်အား၊ငွေအင်အားနဲ့ နည်းပညာ အခက်အခဲများစွာ ရှိနေတယ်ဆိုတာ မှန်ပေမယ့် လူ့အဖွဲ့အစည်းအပေါ် လွှမ်းမိုးမှုရှိတဲ့ ရုပ်ရှင်ဇာတ်ကားတွေရဲ့ အခန်းကဏ္ဍကို အသုံးချပြီး တိုင်းပြည်တည်ဆောက်ရေး၊ လူ့အဖွဲ့အစည်းရဲ့ စံနှုန်းတွေ တည်ဆောက်ရေးအထိ ရည်မှန်းသင့်တာတော့ အမှန်ပါပဲ။ ပြီးခဲ့တဲ့ နှစ် အကယ်ဒမီပေးပွဲက ဒေါ်အောင်ဆန်းစုကြည်ရဲ့ ပြောဆိုခဲ့တဲ့ မိန့်ခွန်းအတွင်းမှာ မြန်မာ့ဒီမိုကရေစီ တည်ဆောက်ရေးမှာ ရုပ်ရှင်လောကသားတွေက ပံ့ပိုးကူညီပေးကြဖို့ ဆိုတဲ့ အချက်ပါဝင်ပါတယ်။ ဒီမိုကရေစီ တည်ဆောက်ရေးကို ရုပ်ရှင်ဇာတ်ကားတွေနဲ့ ပံ့ပိုးကူညီပေးရေးဆိုတာက ပါတီတစ်ခုရဲ့မဲဆွယ်စည်းရုံးရေး လုပ်ဆောင်တာ၊ မဲဆွယ် ဇာတ်လမ်းရိုက်ကူး တာထက်ပိုပြီး သာလွန်တဲ့ အနှစ်သာရတစ်ခု ဖြစ်ပါတယ်။ ဒီမိုကရေ စီ တည်ဆောက်တယ်ဆိုတာမှာ လူ့အဖွဲ့အစည်းအတွင်းမှာ ဒီမိုကရေစီစံနှုန်းတွေ၊ အမူအကျင့် တွေ နားလည်လက်ခံလာဖို့ လူ့အခွင့်အရေးနဲ့ ဒီမိုကရေစီတန်ဖိုးစံနှုန်းတွေကို အလေးထားလာဖို့ တည်ဆောက်ရတာပဲ ဖြစ်ပါတယ်။
အချုပ်အားဖြင့် ဆိုရရင်တော့ မြန်မာ့ရုပ်ရှင်ဇာတ်ကားတွေအနေနဲ့ မြန်မာ့လူ့အဖွဲ့အစည်း အပေါ် လွှမ်းမိုးနိုင်တဲ့ အခန်းကဏ္ဍမှာ နေရာယူထားပြီး ဖန်တီးသူတွေကိုယ်တိုင်နဲ့ ရုပ်ရှင်ဇာတ်ကားတွေ ဟာ ခွဲခြားဆက်ဆံမှု အမူအကျင့်နဲ့ လုပ်ငန်းစဉ်တွေနဲ့မှာ လည်ပတ်နေသလား၊ ဒီလိုမှမဟုတ်ဘဲ လူ့အဖွဲ့အစည်းအတွင်းက လွဲမှားနေတဲ့ အတွေးအခေါ် အမူအကျင့်တွေကို ရဲရဲထောက်ပြပြီး လူသားချင်းစာနာမှုတွေ၊ မတူကွဲပြားမှုတွေအပေါ် သဘောထားကြီးမှုတွေ၊ မေတ္တာတရားတွေ ဖြစ်တည်လာဖို့ ဦးတည်နေသလားဆိုတာ ပြန်လည်သုံးသပ်ရမယ့် အချိန်တစ်ခုကို ရောက်ရှိနေပါပြီ။ ဘာကြောင့်လဲဆိုတော့ မြန်မာ့ရုပ်ရှင် ဟာ ဖန်တီးမှုအသစ်တွေကို စောင့်ဆိုင်းနေကြတဲ့ ပရိသတ်များနဲ့အ တူ ပုံသဏ္ဌာန်အဟောင်း၊ အတွေးအခေါ် အဟောင်းများကနေ ရုန်းထွက်နိုင်မယ့် လမ်းကြောင်းတစ်ခု ပေါ်ကို ရောက်ရှိလာပြီလို့ ယူဆ နိုင်တာကြောင့်ပါပဲ။ ။