ဆရာမင်းလူ

 ဆရာမင်းလူဝတ္တုတိုတွေဖတ်ချင်ရင်
 --------------------------------------------

"နှစ်ကိုယ်ခွဲ အင်တာဗျူး"(မင်းလူ)

ကျွန်တော်က ညဥ့်နက်အောင်စာရေးတတ်သဖြင့် မနက်အိပ်ရာထ နောက်ကျတတ်သည်။ ကျွန်တော်နိုးတဲ့အချိန်
ဆိုလျှင် မိန်းမက အလုပ်သွားပြီ။ ကလေးတွေကလည်း ကျောင်းသွားကြပြီ။ အမေနှင့် အိမ်ဖော်မိန်းကလေးသာ
ရှိသည်။ ထို့ကြောင့် ကျွန်တော်မနိုးခင် တယ်လီဖုန်းလာလျှင် အိမ်ဖော်မိန်းကလေးက ကိုင်လေ့ရှိသည်။ ကျွန်တော်
နိုးတော့မှ ဘယ်သူဆက်တယ်၊ ဘာမှာတယ်ဆိုတာ ပြန်ပြောပြသည်။

ကျွန်တော့်ဆီ ဖုန်းဆက်လေ့ရှိသူများမှာ စာအုပ်ထုတ်ဝေသူများ၊ စာနယ်ဇင်းအယ်ဒီတာများ၊ စာရေးဆရာများသာ
ဖြစ်သဖြင့် နာမည်တွေက ထူးထူးဆန်းဆန်းတွေပါနေသည်။ ကျွန်တော့်အိမ်မှတယ်လီဖုန်းကလည်း "ဒစ်ဂျစ်တယ်"လိုင်း
မဟုတ်သေးဘဲ "တဂျစ်ဂျစ်"လိုင်းသာဖြစ်သောကြောင့် မသဲကွဲတာကလည်း တစ်ကြောင်းကြောင့် အိမ်ဖော်
မိန်းကလေးသည် မကြာခဏ နားကြားလွဲတတ်၏။ စိတ်ကူးချိုချိုစာပေကို စက္ကူချိုချိုဟု ကြားသည်။ ဆူဒိုနင်ကို
ဆော်ဒါနင်ဟု မှတ်သည်။ တစ်ခါကလည်း မအေးသီ ဖုန်းဆက်တယ်ဆိုလို့ ဦးနှောက်စားခဲ့ရပြီးနောက်မှ
မဟေသီမဂ္ဂဇင်းက ဆက်ခြင်းဖြစ်ကြောင်း သိရ၏။

ဒီနေ့မနက်လည်း ကျွန်တော်အိပ်ရာနိုးတော့
"မနက်က ဦးလေးဆီ ဖုန်းလာတယ်"ဟု ပြောသည်။
"ဘယ်သူလဲတဲ့လဲ"
"ဦးတိန်ညင်လို့ ပြောတယ်"
ကျွန်တော် ဦးနှောက်စားသွားရ၏။ အသိမိတ်ဆွေထဲမှာ ဒီနာမည်မျိုးမရှိပါဘူး။ သဲလွန်စရှာမှပဲဆိုပြီး
"ဟဲ့..နေစမ်းပါဦး၊ အသံက ဘယ်လိုမျိုးလဲ" ...................အပြည့်အစုံဆက်လက် ဖတ်ရူရန်
.........................................................................

ဆရာမင်းလူ ရဲ့ ကဗျာများ

"တိုက်ဆိုင်မှု မရှိလျှင် (မင်းလူ)" 

-------------------------------------------

ကဗျာဆိုတာ

တစ်ခါတစ်ခါ ပန်းတစ်ပွင့်
ပွင့်ချိန်တန်မှ ပွင့်လိမ့်မယ်။
ကဗျာဆိုတာ
တစ်ခါတစ်ခါ သစ်သီးတစ်လုံး
ကြွေချိန်တန်ရင် ကြွေမှာပဲ။
ကဗျာဆိုတာ
တစ်ခါတစ်ခါ ချိန်ကိုက်ဗုံးတစ်လုံး
အချိန်စေ့ရင် ကွဲတတ်တယ်။

ကဗျာဆိုတာ
တစ်ခါတစ်ခါ ကြေးနန်းတစ်စောင်
ကျွန်တော့်နှလုံးသား သင်္ကေတတွေ
ခင်ဗျားထံ
အမြန်ပို့လိုက်တယ်။
မခံစားတတ်ရင်
ကျွန်တော့်ရင်ခုန်သံတွေ
ပြန်ပို့ ပေးလိုက်ပါ။ ။
မင်းလူ
----------------------------------------------------------------------------------
"တန်ဖိုးရှိတဲ့မိန်းမ" 
----------------------
ပွဲသိမ်းခရာ မမှုတ်သေးခင်

ရှုံးပြီလို့ မပြောပါနဲ့ဦး..။

ကျားသစ်ဆိုတာ အရေခွံဆုတ်ပြီးမှ...

တကယ်သေပြီလို့ အတည်ပြုနိုင်တယ်..။

ပိုးဟပ်တစ်ကောင်ဟာ ခေါင်းမပါဘဲနဲ့

ရက်အတော်ကြာ အသက်ရှင်နိုင်သေးတယ် ဆိုပဲ..။

အသက်ရှူ ရပ်သွားတာတောင်

ဦးနှောက် အလုပ်လုပ်နေရင် သေပြီလို့ မဆိုနိုင်သေးဘူး..။

ငါ့နှလုံးခုန်သံ သဲ့သဲ့လေးပဲ ကျန်တော့လို့

မင်း သိပ်ပျော်နေလား ဟင်..။

စိတ်ချ…..

နောင်ဘဝကျရင်လည်း ငါ မင်းကိုပဲ ပြန်ချစ်ဦးမှာ..။

ဒီလိုပဲ.. တန်ဖိုးရှိတဲ့ မိန်းမဆိုတာ

စာအုပ်ကောင်း တစ်အုပ်လိုပဲ

ဘယ်လောက် ဟောင်းနွမ်း စုတ်ပြတ် နေပါစေ

ပြန်ဖတ်တိုင်း အရသာ ရှိတယ်လေ..။

မင်းလူ

ချစ်သူ၏စွန့်စားခန်းများ

ချစ်သူတစ်ယောက် ထားရတာ
စွန်စားခန်းတစ်ရပ်ပါပဲ......တဲ့ ။

ခဏခဏ စွန့်စားနေသူလေးရယ်...
စွန့်စားတာကိုမှ ၀ါသနာထုံရော့သလားကွယ် ။


မင်းလူ
-------------------------------------------------------------------------------

အမည်ပြောင်းခြင်း

ခေါင်းငုံ့နေတာ
ဦးညွှတ်ချင်လို့မဟုတ်ပါ။

ငြိမ်နေတာ ကြောက်ရွံ့နေလို့
မဟုတ်ပါ။

အရှုံးပေးတာ
မနိုင်လို့ မဟုတ်ပါ။

သင်၏ အောက်သို့ကွေးညွှတ်၍
တရွရွလှုပ်နေသော
နှုတ်ခမ်းလေးကြောင့်လည်းကောင်း..

.

စိုးရိမ်နေသော
မျက်ဝန်းများကြောင့်လည်းကောင်း. ..

တစ်ကုဗစင်တီမီတာခန့်ရှိသော
မျက်ရည်တစ်စက်ကြောင့်လည်းကောင်း ...

အရာရာတို့၌
ခံပြင်းစွာ
နာကျည်းစွာ
ဒေါသဖြစ်စွာ
အရှုံးပေးလိုက်ပါသည်

ထို့ကြောင့်
ကျွန်တော်မောင်မင်းလူ
(W/RGN 002587) အား
ယနေ့မှစ၍
နွားကြီးဟုခေါ်ပါရန်။


မင်းလူ

----------------------------------------------------------------------------------

"ပန်းရောင်းသူများ"(မင်းလူ)

ဆိုရိုးစကား တစ်ခုရှိတယ်
လက်သမားတစ်ယောက်ရဲ့ 
အိမ်တံခါးတွေဟာ
အပျက်တွေချည်းပဲတဲ့။

ပန်းရန်ဆရာတစ်ယောက်ရဲ့ 
ဝန်ခံချက်ကတော့
ဟိုတယ်မှာ တစ်ခါမှ
မတည်းခိုဖူးတဲ့ အကြောင်း။

မိမိမှာ
စေ့စပ်လက်စွပ် မရှိပါ လို့ 
ပန်းထိမ်ဆရာတစ်ယောက်က
ထွက်ဆိုဖူးတယ်။

လယ်သမားကြီးတစ်ယောက်ကတော့
ဒေါ်လာဆိုတာ
ဘယ်လိုဟာမျိုးလဲလို့ 
မေးနေရှာလေရဲ့ ။

ကိုယ့်ပုံတူကို
ကိုယ်ပြန်ဆွဲဖို့ 
တစ်သက်လုံး မေ့လျော့နေခဲ့တာ
ပန်းချီဆရာတစ်ယောက်ပေါ့။

ဘာပဲဖြစ်ဖြစ်
ဖဲ့ထုတ်ခံရတဲ့
သစ်သားစတွေ မပါဘဲနဲ့ တော့
ပန်းပုရုပ် တစ်ရုပ်
ဖြစ်မလာနိုင်ဘူးလေ။ ။

မင်းလူ

---------------------------------------------------------------

အချစ်လားဟေ့ ၀င်ခဲ့လေကွယ်

သော့ခတ်ထားတဲ့
သံမဏိတံခါးကို
လာခေါက်တယ်။

သွယ်လျတဲ့ လက်ချောင်းကလေးတွေရှိတဲ့
ပန်းနုရောင် လက်သည်းကလေးတွေရှိတဲ့
ရွှေဝါရောင် မွေးညင်းကလေးတွေရှိတဲ့
လက်ကလေးမှန်း
ဒီကလည်း သိလိုက်ပါရဲ့။

သွေးတွေကို ခဲသွားစေတဲ့
ဦးနှောက်တွေကို ဆူဝေလာစေတဲ့
ခြေဖျားလက်ဖျားတွေကို အအေးမိစေတဲ့
နှလုံးသားကို ချွေးစို့လာစေတဲ့သူဟာ
“မင်း”ရယ် “အမုန်းရယ်”
နှစ်ယောက်ပဲရှိတယ်။
ခု-
“အမုန်း” ဟာ ခရီးလွန်နေတယ်ဆိုတော့
တံခါးကို လာခေါက်တဲ့သူဟာ
မင်းပဲဖြစ်ရမယ်ဆိုတာ ဒီကလည်း သိလိုက်ပါရဲ့။
“အချစ်လားဟေ့ ၀င်ခဲ့လေကွယ်”။ ။

မင်းလူ



နယ်စပ်ဒေသ

နေ့ နဲ့ ည ကြားမှာ
တစ်စက္ကန့် ပဲ ခြားတယ်။

တစ် ဒီဂရီနဲ့ 
သုံးရာခြောက်ဆယ် ဒီဂရီကြားမှာ
တစ် ဒီဂရီပဲ ခြားတယ်။

ဆောင်းနဲ့ နွေကြားမှာ
လေတစ်ဝှေ့ ပဲ ခြားတယ်။

အပြာနဲ့ အစိမ်းကြားမှာ
အ၀ါတစ်စက်ပဲ ခြားတယ်။

ရှင်ခြင်းနဲ့ သေခြင်းကြားမှာ
မျက်တောင်တစ်ခတ်ပဲ ခြားတယ်။

အချစ်နဲ့ အမုန်း ကြားမှာ
မျဉ်းတစ်ကြောင်းပဲ ခြားတယ်။

ဟိုဘက်ကို ကူးဖို့ ဆိုတာ
လွယ်လွယ်ကလေးပါ။ ။

မင်းလူ...




တိုက်ပုံအင်္ကျီ အနက်ကလေး

ချစ်သူဆီ သွားတဲ့နေ့ တွေမှာ
တစ်ထည်တည်းသော
တိုက်ပုံအင်္ကျီ အနက်ကလေး ၀တ်လို့ ။

သြော် ...
တိုက်ပုံအင်္ကျီကလေး အနားရတာ
တစ်နှစ်တောင် ကျော်သွားပါပကော။ ။

(မင်းလူ)



ရီလေတီဗီတီ သီအိုရီ

ယောကျာင်္းကလေးများအဖို့
တစ်ထွာသော ဆံပင်သည်
အရှည်ကြီးဖြစ်၏။
မိန်းကလေးများအဖို့
တစ်ထွာသောဆံပင်သည်
တိုတိုကလေးဖြစ်၏။

ဘတ်စ်ကားပေါ်မှ လူအဖို့
အင်းစိန်နှင့် ရန်ကုန်ခရီးသည်
အဝေးကြီး ဖြစ်၏။
ကိုယ်ပိုင်ကားပေါ်မှ လူအဖို့
အင်းစိန်နှင့် ရန်ကုန်ခရီးသည်
နီးနီးကလေးဖြစ်၏။

တောင်အောက်မှ လူအဖို့
ထိုလမ်းသည်
အတက်ဖြစ်၏။
တောင်ပေါ်မှ လူအဖို့
ထိုလမ်းသည်
အဆင်းဖြစ်၏။

ညအဖို့
၁၂ နာရီသည် သန်းခေါင်ယံ ဖြစ်၏။
နေ့အဖို့
၁၂ နာရီသည် မွန်းတည့်ဖြစ်၏။

လူကြီးများအဖို့
အချစ်သည် အတိတ်ဖြစ်၏။
လူငယ်များအဖို့
အချစ်သည် အနာဂတ်ဖြစ်၏။

(မင်းလူ)



မှော်ဆရာ စိတ်မကောင်းပါဘူးကွယ်

အမိန့် ပေးလိုက်တာနဲ့  တစ်ပြိုင်နက်
ငြိမ်သက်နေတဲ့ ကြိုးခွေကလေးက
ပါးပျဉ်းခွက်နေတဲ့ မြွေကြီးဖြစ်သွားသတဲ့။

တစ်စုံတစ်ခုမန်းမှုတ်လိုက်တာနဲ့ တစ်ပြိုင်နက်
လက်ဖ၀ါးပေါ်က ကျောက်ခဲကြီးက
ရွှေတုံးကြီး အလိုလို ဖြစ်သွားသတဲ့။

ရေမန်းနဲ့  ပက်လိုက်တာနဲ့  တစ်ပြိုင်နက်
လူကောင်းပကတိကို
မေ့ပျောက်သွားစေသတဲ့။

အံ့ဖွယ်သရဲ အစွမ်းထက်လိုက်တာ။

မှော်ဆရာရယ်
ဒေါသဖြစ်နေတဲ့
ချစ်သူရဲ့ နှုတ်ခမ်းကလေးကို
ပြုံးလာအောင် လုပ်ပေးပါလားကွယ်။ ။

(မင်းလူ)

-----------------------------------------------------------------------------

....သောအခါ

လရောင်မှာပွင့်တဲ့ ကုမုဒြာ
လပြည့်ညမှာ
မပွင့်အာဘဲ
စူငုံနေတဲ့ နှုတ်ခမ်းလွှာ
ဘာကို စိတ်ကောက်နေတာလဲကွယ်။

နေရှိရာဘက်
မျက်နှာမူတတ်တဲ့ နေကြာ
နံနက်ခင်း ရောင်ခြည်အောက်မှာ
အနောက်ဘက်
ခေါင်းလှည့်နေတဲ့အခါ
ဘာကို ရှက်နေတာလဲကွယ်။

ရေပြင်ကျယ်မှာ
သင်းဖွဲ့ တဲ့ဗေဒါ
နေရာလွဲမှား
ပတ်ကြားအက်ထဲ
အဖော်ကွဲတဲ့အခါ
ဘာကိုလွမ်းနေတာလဲကွယ်။

တံလှပ်တွေကြား
ပျော်ပါးတဲ့ တမာ
အညာမှာ မနေ
ပင်လယ်ရေစပ်
လှိုင်းပုတ်ခတ်ခံရတဲ့အခါ
ဘာကိုဝမ်းနည်းနေတာလဲကွယ်။

နှလုံးသားပေါ်ကျက်စား
သစ္စာတရားအတွက်
ဘက်လိုက်တတ်တဲ့ ကဗျာ
သံယောဇဉ်ကို စုံကန်လျက်
ဆန့် ကျင်ရာဘက်ကို
ပြေးထွက်တဲ့ ဥပက္ခာ
ဘာကို ခံစားရမှာလဲကွယ်။ ။

(မင်းလူ)


---------------------------------------------------------------------------------
ဦးမင်းလူ နှုတ်ထွက်သွားခြင်း

ယောက်ျားပီသတယ်ဆိုတာ
ကိုယ်နိုင်တဲ့သူကို
ဖိတွယ်တတ်တာဆိုရင် …။

ရိုးသားတယ်ဆိုတာ
သူများ မကောင်းကြောင်းနဲ့
ကိုယ်ကောင်းကြောင်းကို
မကွယ်မ၀ှက် ဖွင့်ပြောတတ်တာဆိုရင် …။

ကြိုးစားတယ်ဆိုတာ
ကိုယ့်မိသားစု ကောင်းစားရေး
တစ်ခုတည်းအတွက် ကြံစည်တာဆိုရင် …။

ဂုဏ်သရေရှိတယ်ဆိုတာ
သူတစ်ပါးပေါ်
အထက်စီးက ဆက်ဆံခွင့်ရတာဆိုရင် …။

အားကိုးရတယ်ဆိုတာ
ညွှန်ကြားရေးမှူးချုပ်ရဲ့ ပီအေနဲ့
ခင်တယ်ဆိုတာကို ပြောတာဆိုရင် …။

မင်းရဲ့ ဧည့်သည်တော်စာရင်းထဲက
ငါ့နာမည်ဘေးမှာ
`ရာသက်ပန် ဖျက်သိမ်း´ ဆိုတာလေး
တဆိတ်လောက်
တေးမှတ်ထားလိုက်စမ်းပါကွယ်။

(မင်းလူ
--------------------------------------------------------------------------------------


အချစ်သည်

အချစ်သည်
ကွယ်လွန်ခဲ့ပြီးသောမရှိတော့သော
အတိတ်ကာလ၌လည်းမရှိ.....

မမွေးဖွားသေးသော
မရေရာသော
အနာဂတ် ကာလ၌လည်းမရှိ....

လျှပ်ပြက်သကဲ့သို့
တစ်မုဟုတ်ခြင်းသာသိနိုင်၍
ရေပွက်သကဲ့သို့
ရုတ်ခြည်းပျောက်ကွယ်သွားနိုင်အရာ....

အချစ်သည်
လက်ငင်းဓိဌဓမ္မ
မျက်မှောက်ပြုနေရသော
ပစ္စုပ္ပန်ကာလ၌သာရှိ၏....

ကြေးမုံပြင်သည်ထင်ဟပ်လာသော
အရိပ်တို့ကိုဖမ်းယူဆုပ်ကိုင်ထားနိုင်ခြင်းမရှိ...

ကြေးမုံပြင်၌ထင်သောအရိပ်သည်
ပုံရိပ်စစ်စစ် မဟုတ်နိုင်....

(မင်းလူ)

အမှားပြင်ဆင်ချက်

အချစ်ရယ်

ခုချိန်မှာ
ငါ မျက်စိကွယ်သွားရင်
သိပ်ကောင်းမှာပဲ။

မင်းငါ့ကို
ဘယ်တော့မှ
မဲ့ပြလို့ ရမှာမဟုတ်တော့ဘူး။

ခုချိန်မှာ
ငါ နားပင်းသွားရင်
သိပ်ကောင်းမှာပဲ။

မင်းငါ့ကို
ဘယ်တော့မှ
မုန်းတယ်လို့ ပြောလို့ ရမှာမဟုတ်တော့ဘူး။

ခုချိန်မှာ
ငါ ဆွံ့ အသွားရင်
သိပ်ကောင်းမှာပဲ။

မင်းငါ့ကို
ဘယ်တော့မှ
တောင်းပန်ခယ နေရမှာမဟုတ်တော့ဘူး။

အို ဒါပေမယ့် ...

မင်းကို ငါမမြင်ရရင်
မနေနိုင်ဘူးကွယ်။

မင်းအသံကို
မကြားရရင်
မနေနိုင်ဘူးကွယ်။

မင်းကို ငါ မတောင်းပန်ရရင်
မနေနိုင်ပါဘူးကွယ်။ ။

(မင်းလူ)