ကျွန်တော်က ညဥ့်နက်အောင်စာရေးတတ်သဖြင့် မနက်အိပ်ရာထ နောက်ကျတတ်သည်။ ကျွန်တော်နိုးတဲ့အချိန်
ဆိုလျှင် မိန်းမက အလုပ်သွားပြီ။ ကလေးတွေကလည်း ကျောင်းသွားကြပြီ။ အမေနှင့် အိမ်ဖော်မိန်းကလေးသာ
ရှိသည်။ ထို့ကြောင့် ကျွန်တော်မနိုးခင် တယ်လီဖုန်းလာလျှင် အိမ်ဖော်မိန်းကလေးက ကိုင်လေ့ရှိသည်။ ကျွန်တော်
နိုးတော့မှ ဘယ်သူဆက်တယ်၊ ဘာမှာတယ်ဆိုတာ ပြန်ပြောပြသည်။
ကျွန်တော့်ဆီ ဖုန်းဆက်လေ့ရှိသူများမှာ စာအုပ်ထုတ်ဝေသူများ၊ စာနယ်ဇင်းအယ်ဒီတာများ၊ စာရေးဆရာများသာ
ဖြစ်သဖြင့် နာမည်တွေက ထူးထူးဆန်းဆန်းတွေပါနေသည်။ ကျွန်တော့်အိမ်မှတယ်လီဖုန်းကလည်း "ဒစ်ဂျစ်တယ်"လိုင်း
မဟုတ်သေးဘဲ "တဂျစ်ဂျစ်"လိုင်းသာဖြစ်သောကြောင့် မသဲကွဲတာကလည်း တစ်ကြောင်းကြောင့် အိမ်ဖော်
မိန်းကလေးသည် မကြာခဏ နားကြားလွဲတတ်၏။ စိတ်ကူးချိုချိုစာပေကို စက္ကူချိုချိုဟု ကြားသည်။ ဆူဒိုနင်ကို
ဆော်ဒါနင်ဟု မှတ်သည်။ တစ်ခါကလည်း မအေးသီ ဖုန်းဆက်တယ်ဆိုလို့ ဦးနှောက်စားခဲ့ရပြီးနောက်မှ
မဟေသီမဂ္ဂဇင်းက ဆက်ခြင်းဖြစ်ကြောင်း သိရ၏။
ဒီနေ့မနက်လည်း ကျွန်တော်အိပ်ရာနိုးတော့
"မနက်က ဦးလေးဆီ ဖုန်းလာတယ်"ဟု ပြောသည်။
"ဘယ်သူလဲတဲ့လဲ"
"ဦးတိန်ညင်လို့ ပြောတယ်"
ကျွန်တော် ဦးနှောက်စားသွားရ၏။ အသိမိတ်ဆွေထဲမှာ ဒီနာမည်မျိုးမရှိပါဘူး။ သဲလွန်စရှာမှပဲဆိုပြီး
"ဟဲ့..နေစမ်းပါဦး၊ အသံက ဘယ်လိုမျိုးလဲ"
"ယောက်ျားအသံပဲ"
"ဒါတော့ သိတာပေါ့ဟ၊ လူကြီးသံလား၊ လူငယ်သံလား"
သူက ခဏစဉ်းစားပြီး
"ဟို...ဟို...ကြော်ငြာထဲကအသံမျိုး"
"ဟေ..ဘယ်လို"
"ဟိုဒင်းလေ၊ ဟို ချောင်းဆိုးပျောက်ဆေးကြော်ငြာထဲက ကျွန်တော် ဆရာဝန်တစ်ယောက်ပါဆိုတဲ့ အသံမျိုး"
ထိုအသံမျိုးကို ကြားယောင်ကြည့်သည်။ ၀င်းဦးလိုလို၊ ကျော်ဆွေလိုလို အသံနှင့်ပြောတတ်တာ ဘယ်သူတွေရှိသလဲ။
နှစ်ယောက်ရှိသည်။ တစ်ယောက်က တိုင်းရင်းသားမဂ္ဂဇင်းက ဆရာလင်းဇော်ခိုင်၊ သူကတော့မဖြစ်နိုင်။ ဦးတိန်ညင်နှင့်
တခြားစီပဲ။ နောက်တစ်ယောက်ကတော့... ဟာ... ဟုတ်ပြီ...သိပြီ။
"ဟယ်.. ဘယ်ကလာ ဦးတိန်ညင်ရမှာလဲ၊ ဦးတည်ငြိမ်ပါ"
ထိုစဉ်မှာပင် တယ်လီဖုန်းသံမြည်လာသဖြင့် ကောက်ကိုင်ပြီး ထူးလိုက်သည်။ ထင်တဲ့အတိုင်း ဆရာမောင်တည်ငြိမ်ပါပဲ။
ဆရာတို့ အင်တာဗျူးဂျာနယ်ထဲမှာ "နှစ်ကိုယ်ခွဲ"အင်တာဗျူးဆိုသောကဏ္ဍတစ်ခုဖွင့်လှစ်ထား၍ ရေးပေးပါဟု
တောင်းပန်အမိန့်ပေးလေသည်။ ကျွန်တော်ကလည်း ရက်ချိန်းတော့မပေးနိုင်။ စိတ်ကူးပေါ်လာတဲ့အခါ
ရေးပါမည်ဟု ထုံးစံအတိုင်း မရေရာသောကတိကိုပေးပြီး နှပ်ထားလိုက်လေသည်။
