• ဒေါ်အောင်ဆန်းစုကြည်နဲ့ ဒီမိုကရေစီ အယူအဆ အရွေ့

မှူးသစ်
သတင်းမီဒီယာနဲ့ ဆိုရှယ်မီဒီယာရဲ့ အားပြိုင်မှုကို နိုင်ငံတော်အတိုင်ပင်ခံက စိတ်ဝင်စားတယ်ဆိုတဲ့ မှတ်ချက်အပေါ်မှာ ဆွေးနွေးစရာ အတော်များများရှိလာပါတယ်။ မြန်မာ့ဒီမိုကရေစီခေါင်းဆောင်လို့ တစ်ချိန်က ညွှန်းဆိုခံခဲ့ရတဲ့ ဒေါ်အောင်ဆန်းစုကြည်အနေနဲ့ သတင်းမီဒီယာတွေရဲ့ အခန်းကဏ္ဍကို ဘယ်လို များရှုမြင်နေသလဲဆိုတာ စိတ်ဝင်စားဖွယ်ရာတစ်ခုပါ။
• ဒေါ်အောင်ဆန်းစုကြည်နဲ့ သတင်းမီဒီယာ
တစ်ချိန်က သတင်းမီဒီယာတွေရဲ့ အခန်းကဏ္ဍကို လေးလေးနက်နက် အသိအမှတ်ပြုခဲ့တဲ့ ဒေါ်အောင်ဆန်းစုကြည်ဟာ ၂၀၁၅ ရွေးကောက်ပွဲအပြီး NLD ပါတီ အာဏာရပြီးနောက်ပိုင်း၊ နိုင်ငံတော်အတိုင်ပင်ခံဖြစ်ပြီးနောက်ပိုင်းမှာ သတင်းမီဒီယာတွေနဲ့ တစ်စတစ်စဝေးကွာလို့လာပါတယ်။ သတင်းမီဒီယာတွေအပေါ် ဒေါ်အောင်ဆန်းစုကြည် အထင်လွဲနေသလားဆိုတဲ့ ယူဆမှုတွေလည်း ရှိလာခဲ့ပါတယ်။ ဒီလိုဆိုရင် ဘယ်အရာတွေကြောင့် ဒေါ်အောင်ဆန်းစုကြည်က သတင်းမီဒီယာတွေကို အထင်လွဲနေသလဲဆိုတာ စဉ်းစားစရာ ဖြစ်လာပါတယ်။ တစ်ချိန်က ခက်ခဲကြမ်းတမ်းလွန်းခဲ့တဲ့ ဒေါ်အောင်ဆန်းစုကြည်ရဲ့ နိုင်ငံခရီးလမ်းမှာ အတူတကွလျောက်လှမ်းခဲ့ကြတဲ့ အထင်က သတင်းစာသမားကြီးတွေ၊ စာပေသမားကြီးတွေ များစွာရှိခဲ့ပါတယ်။ နှစ်ပေါင်း ၂၀ ကျော် ဒီမိုကရေစီ တိုက်ပွဲအတွင်းမှာလည်း သတင်းစာသမားတွေဟာ လူ့အခွင့်အရေးနဲ့ ဒီမိုကရေစီ ဘက်ကနေ ဒေါ်အောင်ဆန်းစုကြည်နဲ့ အတူ ရပ်တည်ခဲ့ကြတာက ပြန်ပြောနေစရာမလိုတော့တဲ့ သမိုင်းတွေပါ။ စစ်အာဏာရှင်ရေးဆွဲထားတဲ့ ၂၀၀၈ ဖွဲ့စည်းပုံအခြေခံဥပဒေနဲ့ ဖြစ်ပေါ်လာခဲ့တဲ့ ၂၀၁၀ ရွေးကောက်ပွဲအပြီးမှတော့ ဒေါ်အောင်ဆန်းစုကြည် နေအိမ်အကျယ်ချုပ်ကနေ လွတ်မြောက်လာခဲ့ပါတယ်။ အဲ့ဒီအချိန်ကာလမှာလည်း အတော်အတန်အသင့် လွတ်လပ်ခွင့်ရလာတဲ့ သတင်းဂျာနယ်တွေရဲ့ မျက်နှာဖုံးတွေမှာ ဒေါ်အောင်ဆန်းစုကြည်ရဲ့ ပုံရိပ်တွေနဲ့ လှုပ်ရှားမှုတွေသာ လွင့်ပျံလို့နေပါတယ်။ တစ်ဖက်မှာတော့ လူထုစိတ်ဝင်စားပြီး ချစ်ခင်တဲ့သူများတဲ့ ပုံရိပ်ကို အသုံးပြုပြီး ဂျာနယ်ရောင်းကောင်းဖို့ လုပ်ဆောင်ကြတာဖြစ်တယ်လို့ ပြောကောင်းပြောနိုင်ပေမယ့် ဒီမိုကရေစီခေါင်းဆောင်တစ်ယောက်ရဲ့ အခန်းကဏ္ဍနဲ့ ဒီမိုကရေစီအပြောင်းအလဲတစ်ခု အောင်မြင်စေလို့တဲ့ တွန်းအားတွေလည်း ဖြစ်ခဲ့ပါတယ်။ ၂၀၀၈ ဖွဲ့စည်းပုံအခြေခံဥပဒေကို ဆန့်ကျင်ခဲ့တဲ့ ဒေါ်အောင်ဆန်းစုကြည်နဲ့ NLD ပါတီဟာ ၂၀၀၈ ဖွဲ့စည်းပုံအခြေခံဥပဒေကို ပြင်ဆင်မယ်ဆိုတဲ့ ရည်ရွယ်ချက် ကြွေးကြော်ချက်နဲ့အတူ ၂၀၁၂ ကြားဖြတ်ရွေးကောက်ပွဲမှာ ယှဉ်ပြိုင်ပြီး လွှတ်တော်အတွင်းကို ရောက်ရှိလာခဲ့ပါတယ်။ အဲ့ဒီနောက်ပိုင်းမှာလည်း ဒေါ်အောင်ဆန်းစုကြည့်နဲ့ သတင်းမီဒီယာတွေကြားက ထိတွေ့မှု အပြန်အလှန်နားလည်မှုတွေ တည်ရှိနေဆဲပါပဲ။ ရန်ကုန်ရွေဂုံတိုင်ရုံးချုပ်နဲ့ ခြံအမှတ်(၅၄)မှာ သတင်းစာရှင်းလင်းပွဲတွေလုပ်တယ်။ နေပြည်တော် လွှတ်တော်မှာ သတင်းမီဒီယာတွေနဲ့ တွေ့တယ်၊ မကြာခဏ အတူတကွ လဘက်ရည်ဝိုင်းသောက်ကြရင်း သတင်းမီဒီယာတွေရဲ့ မေးမြန်းမှုတွေကို ဖြေကြားပေးရင်း သတင်းမီဒီယာတွေကတဆင့်
ပြည်သူကိုစကားတွေပါးတယ်
• ဒေါ်အောင်ဆန်းစုကြည်နဲ့ သတင်းမီဒီယာ ဝေးကွာလာမှု
အစိုးရဖြစ်ပြီးနောက်ပိုင်းမှာတော့ ဒေါ်အောင်ဆန်းစုကြည်နဲ့ သတင်းမီဒီယာတွေဟာ တစ်စတစ်စ ဝေးကွာလာခဲ့တာ အမှန်ပါပဲ။တိုင်းပြည်ရဲ့ အရေးပါတဲ့ ထိပ်ပိုင်းခေါင်းဆောင်တွေဖြစ်ကြတဲ့ ဒေါ်အောင်ဆန်းစုကြည်အပါအ၀င် နိုင်ငံတော်သမ္မတတို့ဟာ အစိုးရသက်တမ်းအတွင်းမှာ သတင်းစာရှင်းလင်းပွဲရယ်လို့ တစ်ကြိမ်မှ
လုပ်ဆောင်တာမျိုးမရှိခဲ့ပါဘူး။ ကြီးလေးတဲ့တိုင်းပြည်တာဝန်
တွေကြားမှာ မအားလပ်နိုင်ဘူးဆိုတာ သိပေမယ့် သတင်းမီဒီယာတွေကတဆင့် ပြည်သူတွေအသိပေးတာ၊ ပြည်သူကြားက ထိခိုက်နစ်နာမှုတွေ၊ လူ့အဖွဲ့အစည်းအတွင်းဖြစ်ပျက်နေမှုကို သိရှိအောင်လုပ်တာ သတင်းမီဒီယာတွေရဲ့ မေးခွန်းတွေကို ဖြေကြားတာဆိုတာတွေကလည်း အရေးပါတဲ့ လုပ်ငန်းတာဝန်တွေလို့ ဆိုနိုင်ပါတယ်။ သတင်းမီဒီယာတွေနဲ့ မကြာခဏ ပြဿနာတက်နေတဲ့ အမေရိကန်သမ္မတ ဒေါ်နယ်ထရမ့်တောင်မှ အိမ်ဖြူတော်သတင်းစာရှင်းလင်းပွဲရယ်လို့ ရှိပါတယ်။ တစ်ဖက်ကနေ ပြောမယ်ဆိုရင်တေ့ာ အစိုးရအနေနဲ့ လုပ်ဆောင်နေတာတွေ မူဝါဒတွေကို အစိုးရပိုင်းသတင်းစာတွေ၊ မီဒီယာတွေကနေ တဆင့် အသိပေးမယ်။ ဆိုရှယ်နက်ဝပ်တွေကနေ ထုတ်ပြန်ချက်တွေ ထုတ်ပေးမယ်။ သမ္မတရုံးကနေ ဦးဇော်ဌေးက သတင်းစာရှင်းလင်းပွဲလုပ်ပေးမယ်ဆိုတာလောက်နဲ့ ယူဆချက်မျိုးလည်း ရှိကောင်းရှိနိုင်ပါတယ်။ ဒါပေမယ့် အစိုးရပိုင်မီဒီယာတွေဟာ အစိုးရဲ့ အာဘော်ကိုဖြန့်ချိရတဲ့ ၀ါဒဖြန့်မီဒီယာတစ်ခုသာဖြစ်ပါတယ်။ ပြည်သူတွေထိခိုက်နစ်နာမှုတွေ၊ လူ့အဖွဲ့အစည်းအတွင်းမှာ ဖြစ်ပျက်နေတာတွေကို စုံစမ်းထောက်လှမ်းပြီး မေးခွန်းထုတ်တာမျိုးကို အစိုးရပိုင်မီဒီယာတွေက လုပ်ဆောင်လေ့မရှိကြပါဘူး။ အစိုးရရဲ့ မူဝါဒပိုင်းဆိုင်ရာ ကတိက၀တ်တွေ မဖေါ်ဆောင်တာ အားနည်းတာတွေရှိလာရင် သတင်းမီဒီယာတွေက မေးခွန်းထုတ်ထောက်ပြကြတဲ့ လုပ်ငန်းစဉ်မျိုးဟာ အပြန်အလှန်ထိန်းကျောင်းခြင်းဖြစ်ပါတယ်။ ဒီမိုကရေစီစနစ်မှာ အပြန်အလှန်ထိန်းကျောင်းခြင်း လုပ်ငန်းစဉ်ကို အသိအမှတ်ပြုဖို့လိုအပ်ပါတယ်။ အစိုးရပိုင်မီဒီယာတွေကနေ အသိပေးတာ၊ ဆိုရှယ်မီဒီယာတွေကတဆင့် ထုတ်ပြန်ချက်တွေ မူဝါဒတွေ ပြောပြတာဟာ တစ်လမ်းသွားတဲ့နည်းလမ်းပါပဲ။ တစ်လမ်းသွားနည်းလမ်းဟာ ဒီမိုကရေစီအလေ့အထမဟုတ်ဘဲ အာဏာရှင်အလေ့အထတစ်ခုသာဖြစ်တယ်ဆိုတာ ဒီမိုကရေစီခေါင်းဆောင်တစ်ယောက်ဖြစ်တဲ့ ဒေါ်အောင်ဆန်းစုကြည် သိရှိပြီးဖြစ်တယ်ဆိုတာ ပြောဖို့ မလိုတော့ပါဘူး။ ဒီလိုဆိုရင် ဘာကြောင့်သတင်းမီဒီယာတွေရဲ့ အခန်းကဏ္ဍကို လျစ်လျူရှုထားတဲ့သဖွယ် ဖြစ်နေသလဲဆိုတာ စဉ်းစားစရာဖြစ်လာပါတယ်။
ဖြစ်နိုင်ချေရှိတဲ့ အကြောင်းအရင်းခံတွေကို စဉ်းစားကြည့်ရအောင်ပါ။ ၂၀၀၈ ဖွဲ့စည်းပုံအခြခံဥပဒေအောက်မှာ ဒေါ်အောင်ဆန်းစုကြည်ဦးဆောင်တဲ့ NLD အစိုးရဟာ အရေးပါတဲ့ အာဏာတွေအားလုံးကို မရယူထားနိုင်ပါဘူး။ အမျိုးသားရင်ကြားစေ့ရေး၊ ငြိမ်းချမ်းရေး အတွက် စစ်တပ်နဲ့ ယုံကြည်မှုတည်ဆောက်နေရတဲ့ အကျပ်အတည်း၊ ၂၀၀၈ ကြောင့် ဖြစ်နေတဲ့ အကျပ်အတည်းတွေကို နိုင်ငံရေးအင်အားစုအချို့အပါအ၀င် သတင်းမီဒီယာတွေက နားလည်မှု မပေးဘူးဆိုတဲ့ အမြင်ရှိကောင်းရှိနေနိုင်ပြီး ဒါကလည်း ဖြစ်နိုင်ချေ အကြောင်းအရင်း တစ်ချက်ဖြစ်ပါတယ်။ နောက်တစ်ချက်ကတော့ ရခိုင်နယ်စပ်က ပြဿနာများနဲ့ နိုင်ငံတကာဖိအားဖြစ်ပါတယ်။ ရခိုင်နယ်စပ်ပြဿနာကို အခြေခံပြီး ကြုံတွေ့လာရတဲ့ နိုင်ငံတကာဖိအားတွေဟာ သတင်းမီဒီယာတွေကြောင့် ပိုပြီး ဆိုးရွားလာခဲ့တယ်ဆိုတဲ့ ထင်မြင်မှုလည်း ရှိကောင်းရှိနိုင်ပါတယ်။ အထူးသဖြင့် လူ့အခွင့်အရေးတန်ဖိုးစံနူန်းနဲ့ အမျိုးသားရေးအယူဝါဒကြားမှာ မေးခွန်းထုတ်ခံရမှုတွေမှာ သတင်းမီဒီယာတွေ ရပ်တည်မှုကို နားမလည်နိုင်ဖြစ်လာတာလည်း ပါဝင်နိုင်ပါတယ်။ ရိုက်တာသတင်းထောက် ၂ ယောက် ဖမ်းဆီးခံရမှုနဲ့ ပတ်သက်ပြီး NHK သတင်းဌာနကို ဒေါ်အောင်ဆန်းစုကြည် ပြောဆိုခဲ့တဲ့ မှတ်ချက်ကို ကြည့်ခြင်းအားဖြင့် ဒီအခြေအနေက ပေါ်လွင်နေပါတယ်။ ဒီဘက်နှစ်ပိုင်းအတွင်းမှာ ဒေါ်အောင်ဆန်းစုကြည်အတွက်သာမက မြန်မာနိုင်ငံတစ်ငံလုံးအနေနဲ့ပါ နိုင်ငံတော်ဖိအားတွေ ကြီးကြီးမားမားကြုံတွေ့နေရပါတယ်။ သမိုင်းတစ်လျောက်အကြီးမားဆုံး နိုင်ငံတကာဖိအားလို့ဆိုနိုင်ပါတယ်။ ဒေါ်အောင်ဆန်းစုကြည်ဟာ လူ့အခွင့်အရေးနဲ့ ဒီမိုကရေစီအရေး သူရဲကောင်းအဖြစ်သတ်မှတ်ခံထားရသူတစ်ယောက်အဖြစ်ကနေ မတရားမှုမှာ နူတ်ဆိတ်နေသူအဖြစ် နိုင်ငံတကာက လူ့အခွင့်အရေးအဖွဲ့အချို့က ဝေဖန်တာ ပေးအပ်ထားတဲ့ ဆုတွေကို ပြန်သိမ်းတာ စတဲ့ အခြေအနေကို ကြုံတွေ့လာရပါတယ်။ ဒီအခြေအနေမျိုးမှာ သတင်းမီဒီယာတွေက သူနဲ့အတူ မရပ်တည်ဘဲ ဖိအားတွေကြုံရစေဖို့ ပိုမိုတွန်းအားတွေ ဖြစ်စေနေတယ်လို့ ထင်မြင်ကောင်းထင်မြင်နေနိုင်ပါတယ်။ နောက်ဆုံးတစ်ချက်က လူထုထောက်ခံမှုပါ လူထုထောက်ခံမှုရှိနေသ၍ မီဒီယာရဲ့ အခန်းကဏ္ဍဟာ မလိုအပ်ဘူး မီဒီယာတွေဟာ NLD ပါတီနဲ့ ဒေါ်အောင်ဆန်းစုကြည်လောက် လူထုထောက်ခံမှုမရှိဘူး၊ ကိုယ်စားပြုမှု မရှိဘူးလို့ ယူဆနေနိုင်ပါတယ်။ တကယ်တော့ သတင်းစာပညာဆိုတာ လူထုထောက်ခံမှုနဲ့ရှင်သန်တာမျိုးမဟုတ်ဘဲ အမှန်တရားပေါ်မှာ ရပ်တည်တာသာဖြစ်ပါတယ်။
• သတင်းစာပညာနဲ့ အမျိုးသားရေးဝါဒ
ရိုက်တာသတင်းဌာနက ရခိုင်နယ်စပ်ပြဿနာအတွင်းက ဖြစ်ရပ်တစ်ခုကို ဖေါ်ထုတ်ရေးသားတာနဲ့ပတ်သက်ပြီး အမျိုးသားရေး အယူဝါဒအောက်ကနေ သတင်းမီဒီယာတွေကို ရန်သူသဖွယ် တုံ့ပြန်တာတွေ ကြုံတွေ့လာကြပါတယ်။ အထူးသဖြင့် ပြည်ပသတင်းမီဒီယာတွေဟာ ဘက်လိုက်ဖေါ်ပြတယ်ဆိုတဲ့ ယူဆချက်တွေ၊ အမျိုးသားရေးအကြောက်တရားနဲ့အတူ မြန်မာနိုင်ငံက မခေါ်ဝေါ်စေလိုတဲ့ လူမျိုးအမည်တစ်ခုကို သတ်မှတ်ခေါ်ဆိုကြတယ်ဆိုတဲ့ စွပ်ဆွဲပြောဆိုမှုတွေ မ​ကျေမနပ်​မှုတွေဟာ မြန်မာ့လူ့အဖွဲ့အစည်းအတွင်းမှာ လွှမ်းမိုးလို့ထားပါတယ်။ လူအစုလိုက်သတ်ဖြတ်မှုကို ဖေါ်ထုတ်ဖို့ ကြိုးစားခြင်းက တိုင်းပြည်ရဲ့ ဂုဏ်သိက္ခာကျဆင်းအောင်လုပ်ဆောင်ခြင်းဖြစ်တယ်၊ နိုင်ငံကို အကျပ်အတည်းတွေ့အောင်လုပ်ဆောင်ခြင်းဖြစ်တယ်လို့ သတ်မှတ်ကြသလို သတင်းမီဒီယာတွေဟာ ကိုယ်ကျိုးစီးပွားအတွက် သတင်းရောင်းစားကြတယ်ဆိုတဲ့ ၀ါဒဖြန့်ချိမှုတွေလည်း အားကောင်းလာခဲ့ပါတယ်။ တကယ်တော့ သတင်းစာပညာဆိုတာ အမှန်တရားကို ဖေါ်ထုတ်ဖို့ဖြစ်ပါတယ်၊ အမှန်တရားကို ဖုံးကွယ်ဖို့မဟုတ်ပါဘူး။ တကယ်တော့ သတင်းစာသမားဆိုတာ ဟိုဘက်ဒီဘက် ဆိုတာတွေထက် ​ရရှိတဲ့ အချက်အလက်မှန်ကန်မှုတွေပေါ်မှာ ရေးသားကြသူတွေဖြစ်တဲ့ အတွက် တစ်ဖက်ရဲ့ နစ်နာမှုတွေကို မြင်တွေ့လာရင် ရေးသားဖေါ်ပြရမယ့် တာဝန်ရှိနေပါတယ်။ လူမျိုးအမည်နာမဆိုတာမှာလည်း သတင်းမီဒီယာတွေဟာ လူ့အခွင့်အရေးတန်ဖိုးစံနူန်းတွေအရ လူတစ်ယောက်က ခံယူထားတဲ့ အမှတ်သရုပ်ကို ဖျောက်ဖျက်ပိုင်ခွင့်မရှိပါဘူး။ ဒီအပေါ်မှာ ရှုမြင်မှုတွေ မတူညီနိုင်တာကြောင့်ပဲ သတင်းမီဒီယာတွေအပေါ် အမြင်စောင်းမှု ဖြစ်လာတယ်လို့ ဆိုနိုင်ပါတယ်။
• မြန်မာပြည်သူများနဲ့ သတင်းမီဒီယာ
ဒီဘက်နှစ်ပိုင်းအတွင်းမှာ ပြောဆိုမှုမြှင့်တက်လာတာကတော့ သတင်းမီဒီယာတွေရဲ့ သြဇာကျဆင်းလာတယ်၊လူတွေက မီဒီယာတွေကို မယုံကြတော့ဘူးဆိုတဲ့ ပြောဆိုမှုတွေပါ။ ဒါဟာ တကယ်ပဲ ဖြစ်လာတာလား ဘယ်အပေါ်မှာ အခြေတည်နေပါသလဲ။ အခြေခံကျကျ စဉ်းစားကြည့်မယ်ဆိုရင် တကယ်ပဲ သတင်းမီဒီယာတွေအပေါ် လူတွေရဲ့ မယုံကြည် ရန်လိုဝေဖန်မှုတွေဟာ မြင့်တက်လာနေပါတယ်။ အကြောင်းအရင်းအားဖြင့် လွဲမှားတဲ့ သတင်းတွေ တင်ဆက်မိတာတွေ ပါဝင်နေသလိုပဲ ပြည်သူတွေအနေနဲ့ သူတို့ဘက်က ရပ်ရမယ့်အစား တစ်ဖက်ကနေရပ်တယ်၊ သူတို့ သဘောကျချစ်ခင်တဲ့သူတွေကို ဝေဖန်တယ် ကောင်းကြောင်းသက်သက် မရေးဘူးဆိုတဲ့ စိတ်ခံစားမှုတွေလည်း ပါဝင်နေပါတယ်။ မှားယွင်းဖေါ်ပြခဲ့မိရင် အပြည့်အ၀ တာဝန်ယူရမယ်လုပ်ငန်းစဉ်တွေရှိနေတဲ့ သတင်းမီဒီယာတွေရဲ့ အခန်းကဏ္ဍ မှေးမှိန်လာရင် သြဇာကျဆင်းလာရင် သတင်းအမှားတွေနဲ့ ၀ါဒဖြန့်ချိမှုတွေက အားကောင်းလာမှာ အမှန်ဖြစ်သလို လူတွေအနေနဲ့ ဒါဟာ လုပ်ကြံဖန်တီးထားတာတွေလား ၀ါဒဖြန့်ထားတာတွေလား အမှန်တရားလားဆိုတာ ဝေခွဲရခက်ခဲလာနိုင်ပါတယ်။ သတင်းစာသမားတွေရဲ့ အလုပ်ဟာ လူကြိုက်များအောင် လုပ်ဖို့မဟုတ်ဘူး အမှတ်တရားကို ရှာဖွေဖို့နဲ့ နိုင်ငံ့ခေါင်းဆောင်တွေထံကနေ အဖြေတွေထွက်လာဖို့ စဉ်ဆက်မပြတ် တွန်းအားပေးနေဖို့ဖြစ်တယ် လို့ အမေရိကန်သတင်းစာဆရာမကြီး ဟယ်လန်သောမတ်စ်က ပြောဆိုခဲ့ဖူးပါတယ်။ ပြည်သူတွေအနေနဲ့ သူတို့ နှစ်ခြိုက်သဘောကျသူတွေကိုကောင်းကြောင်းရေးပြီး သူတို့ရပ်တည်ထားတဲ့ တန်ဖိုးစံနူန်းတွေ အတိုင်း ရပ်တည်ဖို့ဆိုတာ သတင်းစာသမား​တွေထံ
ကနေ မျှော်လင့်လို့မရပါဘူး။ သတင်းစာပညာဆိုတာ အမှန်တရားကို ဖေါ်ထုတ်ရေးသားတာဖြစ်တဲ့အတွက်​ တချို့သော အကြောင်းအရာနဲ့ ရေးသားဖေါ်ထုတ်မှုတွေဟာ လူကြိုက်များမှုများတဲ့ အမျိုးသား​ရေး ဝါဒနဲ့ထပ်တူကျနိုင်မှာ​​မဟုတ်ပါဘူး
-ပါတီနိုင်ငံရေးနဲ့ သတင်းမီဒီယာကြားက ကွဲပြားခြားနားမှု
အတိုက်အခံဘ၀မှာတော့ NLD ပါတီနဲ့ သတင်းမီဒီယာတွေဟာ ဒီမိုကရေစီအရေးနဲ့ လူ့အခွင့်အရေးဆိုတဲ့ ဘက်မှာ တစ်ဖက်တည်းရပ်တည်ခဲ့ကြတဲ့ ပုံသဏ္ဍန်ရှိခဲ့ပါတယ်။ ကွဲပြားခြားနားမှုကတော့ ပါတီနိုင်ငံရေးသမားများက နိုင်ငံရေးအာဏာရယူလို့မှုရှိခဲ့ပြီး သတင်းမီဒီယာတွေကတော့ အာဏာရယူရေးအတွက် ရပ်တည်ခဲ့ကြတာမဟုတ်ပါဘူး။ အာဏာဆိုတဲ့ ကိစ္စရပ်ပါဝင်လာတဲ့ အခါ မဲပေးမယ့်သူတွေအကြိုက် အထူးသဖြင့် လူအများစု သဘောကျတဲ့ လမ်းကြောင်းတွေ ရွေးချယ်လျောက်လှမ်းရတယ်၊ လူအများမကြိုက်နိုင်မယ့် မဲတွေဆုံးရှုံးရမယ့်အရာတွေကို ရှောင်ရှားရတယ်ဆိုတာ သဘောတရားအားဖြင့် မှန်ပါတယ်။ နိုင်ငံရေးပါတီတစ်ခုဟာ မှန်ကန်တဲ့ မူဝါဒနဲ့ ခိုင်မာတဲ့ စံနူန်းရပ်တည်မှုတွေကို ရှိနေဖို့ လိုအပ်သလို အဲ့ဒီစံနူန်းတွေဟာ ဘယ်လိုအကြောင်းကြောင့်နဲ့မှ ပြောင်းလဲမသွားသင့်ပါဘူး။ ဒေါ်အောင်ဆန်းစုကြည်နဲ့ NLD ပါတီဟာ တချိန်က လူ့အခွင့်အရေးနဲ့ ဒီမိုကရေစီစံနူန်းပေါ်မှာရပ်တည်ခဲ့တယ်လို့ ဆိုခဲ့ကြပါတယ်၊ အခုချိန်မှာတော့ အဲ့ဒီစံနူန်းတွေက ရွေ့လျားသွားခဲ့ပြီဆိုတဲ့ ဝေဖန်မှုတွေဟာ ကျယ်ကျယ်လောင်လောင်ဖြစ်လာခဲ့ပါပြီ။ ဒီလို ဝေဖန်မှုဖြစ်လာစေဖို့ သတင်းမီဒီယာတွေက တွန်အားပေးနေတယ်လို့ ယူဆလိုက်တာထက် တကယ်ပဲ ဒီမိုကရေစီနဲ့ လူအခွင့်အရေးစံနူန်းတွေက ရွေ့လျားနေပြီလားဆိုတာကို သုံးသပ်ဖို့လိုနေပါပြီ။ နောက်တစ်ချက်ကတော့ ဒေါ်အောင်ဆန်းစုကြည်ရဲ့ အခန်းကဏ္ဍဖြစ်ပါတယ်။ ဒေါ်အောင်ဆန်းစုကြည်က ပါတီတစ်ခုရဲ့ ခေါင်းဆောင်ဆိုတာထက် မြန်မာတစ်နိုင်ငံလုံးရဲ့ ခေါင်းဆောင် မြန်မာ့ဒီမိုကရေစီခေါင်းဆောင်တစ်ဦးအဖြစ် ကမ္ဘာကရော မြန်မာကပါ လက်ခံထားခဲ့ကြပါတယ်။ ပါတီတစ်ခုရဲ့ ခေါင်းဆောင်ဟာ ပါတီရဲ့ အာဏာရရှိရေးနဲ့ ပါတီရဲ့ မူဝါဒတွေအပေါ်မှာ ရပ်တည်ပြီး တစ်နိုင်ငံလုံးကို ကိုယ်စားပြုတဲ့ ခေါင်းဆောင်ကတော့ အာဏာအပေါ်မှာ မရပ်တည်ဘဲ လူ့အဖွဲ့အစည်းအတွက် လိုအပ်တဲ့ တန်ဖိုးစံနူန်းတွေနဲ့ အမှန်တရားပေါ်မှာ ရဲရဲတင်းတင်းရပ်တည်နိုင်ဖို့ လိုအပ်ပါတယ်။ တချို့အရာတွေက လူအများကြိုက်ဖြစ်ချင်မှဖြစ်မယ်၊ တစ်ချို့အရာတွေက လူတွေအတွက် ခါးသီးတဲ့ အရာဖြစ်ကောင်းဖြစ်မယ် ဆိုပေမယ့် အာဏာနဲ့လူကြိုက်များကို မကြည့်ဘဲ လုပ်ဆောင်သင့်တဲ့အရာတွေ လုပ်ဆောင်ဖို့လိုအပ်ပါတယ်။
• ဒီမိုကရေစီနဲ့ သတင်းမီဒီယာတွေရဲ့ အချိတ်အဆက်၊ သဘောသဘာဝများ
ဝါရှင်တန်ပို့စ်သတင်းစာကြီးရဲ့ ဆောင်ပုဒ်တစ်ခုရှိပါတယ်။ အဲ့ဒီဆောင်ပုဒ်ကတော့ “အမှောင်ခေတ်မှာ ဒီမိုကရေစီ သေဆုံးတယ်” ဆိုတာပါ။ အမှောင်ခေတ်ဆိုတာ ဘယ်လို အရာမျိုးလဲ ပြောရရင်ကျယ်ပြန့်ပါတယ်။ အာဏာရှင်စနစ်အောက်မှာ ပြည်သူတွေဟာ နားမျက်စိတွေ အပိတ်ခံထားရမယ် လွတ်လပ်စွာရေးသားဖေါ်ထုတ်ခွင့်မရှိဘူး တစ်လမ်းသွားဝါဒဖြန့်ချိမှုအောက်မှာ နေထိုင်ရမယ် ကမ္ဘာ့လူ့အဖွဲ့အစည်းနဲ့ဝေးကွာမယ် စတဲ့ အခြေအနေတွေဟာ အမှောင်ခေတ်ကို ကိုယ်စားပြုတယ်လို့ ဆိုနိုင်ပါတယ်။ သတင်းစာတွေကတော့ အမှောင်ခေတ်ကို ဆန့်ကျင်ပါတယ်။ အုပ်ချုပ်တဲ့ အစိုးရရဲ့ အာနည်း​ချက်တွေကို ဝေဖန်ထောက်ပြမယ်၊ မေးခွန်းထုတ်မယ် လူ့အဖွဲ့အစည်းအတွင်းမှာ ဖြစ်နေတာတွေကို အမှန်အတိုင်းဖေါ်ပြမယ်၊ ပြည်သူတွေရဲ့ နစ်နာမှုတွေကို ဖေါ်ထုတ်မယ် စတဲ့ လုပ်ငန်းစဉ်တွေဟာ ဒီမိုကရေစီစနစ်ထဲက သတင်းမီဒီယာတွေရဲ့ အခန်းကဏ္ဍဖြစ်ပါတယ်။ တနည်းအားဖြင့် ဒီမိုကရေစီဆိုတဲ့ ယန္တယားတစ်ခုလည်ပတ်နိုင်ဖို့ အလုပ်လုပ်ပေးတဲ့ အစိတ်အပိုင်းတစ်ခုပဲဖြစ်ပါတယ်။ ဒီအစိတ်အပိုင်းဟာ မလိုအပ်ဘူးလို့ ယူဆလာတာ၊ အဲ့ဒီ အစိတ်အပိုင်းတွေရဲ့ အခန်းကဏ္ဍကို ဘေးဖယ်လို့ရတယ်လို့ ယူဆလာတာဟာ ဒီမိုကရေစီလုပ်ငန်းစဉ်ကို ငြင်းပယ်ပြီး အမှောင်ခေတ်ထဲက အာဏာရှင်အမူအကျင့်တွေဖြစ်တည်လာတာပါပဲ။သမိုင်းသင်ခန်းစာတွေကိုကြည့်လိုက်မယ်ဆိုရင်လည်း အာဏာရှင်တွေဟာ သူတို့ကို စောင့်ကြည့်ထိန်းကျောင်းတာကို ငြင်းပယ်ပြီး သူတို့ကောင်းမယ်ထင်လို့ လုပ်ဆောင်တာတွေကို ထောက်ခံဖို့သာ လိုလားတတ်ကြပါတယ်။ ဒီမိုကရေစီစနစ်ကတော့ ဒီလိုမဟုတ်ပါဘူး။ တိုင်းပြည်ရဲ့ အရေးပါတဲ့ မဏ္ဍိုင်တွေအားလုံးဟာ အပြန်အလှန်ထိန်းကျောင်းခြင်းလုပ်ငန်းစဉ်နဲ့ သဟဇာတရှိရှိ လည်ပတ်ရပါတယ်။
• ဆိုရှယ်မီဒီယာနဲ့ Mainstream မီဒီယာများ အားပြိုင်မှု
နည်းပညာခေတ်ကြီးထဲမှာ ဒီပြဿနာဟာ ကမ္ဘာတစ်ခုလုံးနဲ့
ယှဉ်ပြီး ဖြစ်နေတဲ့ ပြဿနာလို့တောင်ဆိုရမှာပါ။ နိုင်ငံတကာမှာလည်း သြဇာကြီးမားတဲ့ ပုံနှိပ်မီဒီယာကြီးတောင်မှ
ဆိုရှယ်မီဒီယာကြောင့် ကြုံတွေ့လာရတဲ့ အခက်အခဲတွေကို ရင်ဆိုင်နေရပါတယ်။ ဆိုရှယ်နက်ဝပ်တွေကို မီဒီယာပလက်ဖေါင်းတစ်ခုအဖြစ်အသုံးပြုပြီး စာဖတ်သူတွေနဲ့ ပိုမိုထိတွေ့နိုင်ဖို့ သတင်းတွေ
အချိန်နဲ့တပြေးညီ တင်ဆက်ပေးနိုင်ဖို့ ကြိုးစားလာရတဲ့ အချိန်ဖြစ်ပါတယ်။ ဆိုရှယ်မီဒီယာပေါ်မှာ အလွယ်တကူသတင်းအချက်အလက်တွေရယူနိုင်တယ် ကိုယ်တိုင်ဖန်တီးနိုင်တယ် ထိတွေ့နိုင်တယ်ဆိုတဲ့ အားသာချက်တွေလည်း အများအပြားရှိပါတယ်။ အမေရိကန်နိုင်ငံရဲ့ သုတေသန မှတ်တမ်းတစ်ခုအရဆိုရင် အမေရိကန်နိုင်ငံသား ၄၀ ရာခိုင်နူန်းလောက်က ဖေ့စ်ဘုတ်ကနေ သတင်းအချက်အလက်တွေ ဖတ်ရှုတယ်လို့ ဆိုထားပါတယ်။ မြန်မာနိုင်ငံမှာတော့ ဘယ်လောက်ရာခိုင်နူန်းက ဆိုရှယ်မီဒီယာကနေ သတင်းအချက်အလက်ရယူနေပြီး ဘယ်လောက်ရာခိုင်နူန်းက သတင်းစာဂျာနယ်တွေကနေ သတင်းအချက်အလက်တွေရယူနေတယ်ဆိုတဲ့ သုတေသန အချက်အလက် မတွေ့ရသေးပါဘူး။ အမေရိကန်လိုနိုင်ငံမျိုးနဲ့ မြန်မာနိုင်ငံကို ယှဉ်လို့မရတာ အမေရိကန်နိုင်ငံဟာ အင်စတီကျူးရှင်းတွေ ခိုင်မာပြီးသားဖြစ်တယ် ပြည်သူအများစုက Media Literacy ကို နားလည်ပြီးသားဖြစ်တယ် နည်းပညာဖွံ့ဖြိုးတိုးတက်မှုကို အဆင့်ဆင့်ကျော်ဖြတ်ပြီးသားဖြစ်တယ်ဆိုတဲ့ အခြေအနေတွေကွာခြားပါတယ်။ မြန်မာနိုင်ငံမှာ မီဒီယာအခန်းကဏ္ဍတစ်ခုတည်း ဆိုရှယ်မီဒီယာတွေရဲ့ အကျိုးသက်ရောက်မှုကို ခံနေရတာမဟုတ်ဘူး ဆိုရှယ်မီဒီယာတွေရဲ့ အကျိုးသက်ရောက်မှုဟာ နိုင်ငံရေး လူမျိုးရေး ကစလို့ လူတစ်ယောက်ခြင်းစီရဲ့ လူမှုဘ၀တွေအထိ လွှမ်းမိုးမှု အကျိုးသက်ရောက်မှုတွေ များစွာရှိပါတယ်။ ဆိုရှယ်မီဒီယာတွေရဲ့ သဘောသဘာဝအရ လူမှုကွန်ယက်ကို အခြေခံထားတာဖြစ်တဲ့ ဘယ်သူမဆို သတင်းအချက်အလက်တွေ ဖြန့်ဝေနိုင်တယ် အယူအဆတွေ ထုတ်ဖေါ်နိုင်တယ် စတဲ့ အားသာချက်တွေ ရှိသလို တစ်ဖက်မှာ တာဝန်ယူမှု တာဝန်ခံမှု မရှိနိုင်တာ သတင်းအမှားတွေ ဖန်တီးဖြန့်ဝေနိုင်တာ ၊ ၀ါဒဖြန့်ချိနိုင်တာ စတဲ့ အခြေအနေလည်း တပါတည်းရှိနေတာပါ။ ဥပမာပေးပြရရင် လူမျိုးရေးပဋိပက္ခတွေဖြစ်ဖို့ ဆိုရှယ်မီဒီယာကို အသုံးပြုပြီး သတင်းအမှားတွေ ၊ အမုန်းတရားတွေ ဖြန့်ချိတာရှိခဲ့ပါတယ်။ နိုင်ငံရေးရည်ရွယ်ချက်ရှိရှိ နဲ့ ဆိုရှယ်မီဒီယာပေါ် ဘယ်သူဘယ်ဝါက ဖြန့်ချိမှန်း မသိနိုင်တဲ့ NLD ပါတီရဲ့ ထုတ်ပြန်ချက် အတုတွေထွက်ရှိလာတာမျိုး ရှိခဲ့ဖူးပါတယ်။
Mainstream မီဒီယာတွေကတော့ ဒီအခြေအနေနဲ့ကွာခြားပါတယ်။ သတင်းတစ်ပုဒ်ဖြစ်ဖြစ်၊ ဆောင်းပါးတစ်ပုဒ် အယ်ဒီတာ အဆင့်ဆင့် စီစစ်တည်းဖြတ်မှုနဲ့ ဖေါ်ပြရတာဖြစ်ပါတယ်။ တစ်စုံတစ်ရာမှားယွင်းမှုဖြစ်လာခဲ့ရင်လည်း တာဝန်ယူတာဝန်ခံရမယ့်သူတွေရှိရပါတယ်။ Mainstream မီဒီယာတွေကို လုပ်ကိုင်နေသူတွေကလည်း လူပုဂိုလ်များဖြစ်တဲ့ အမှားအယွင်းတွေရှိနေနိုင်ပါတယ်။ နိုင်ငံရေးအရဘက်လိုက်မှုတွေ စီးပွားရေးအရ ကိုယ်ကျိုးကြည့်တာတွေ ရှိကောင်းရှိနေနိုင်ပေမယ့် ဒါတွေအားလုံးအပေါ် တာဝန်ခံထားရသူ ဘယ်သူဘယ်ဝါဆိုတာ ထင်ထင်ရှားရှိပါတယ်။ ဒါဟာ မီဒီယာတစ်ခုခြင်းစီအလိုက်ပြဿနာဖြစ်ပြီး မီဒီယာအင်စတီကျူးရှင်းတစ်ခုလုံးနဲ့ ယှဉ်ပြီး ​ကောက်ချက်ချရမယ့် ​​​​ကိစ္စမျိုးမဟုတ်ပါဘူး။
• ဒေါ်အောင်ဆန်းစုကြည်နဲ့ ဒီမိုကရေစီ အယူအဆ အရွေ့
နည်းပညာခေတ်ကြီးထဲမှာ ဆိုရှယ်မီဒီယာနဲ့ Mainstream မီဒီယာ အားပြိုင်မှု ဘယ်သူအနိုင်ရမလဲဆိုတာက စိတ်ဝင်စားသင့်တဲ့ အရာတစ်ခုဖြစ်သလို ကမ္ဘာတစ်ခုလုံးရဲ့ မေးခွန်းတစ်ခုပါ။ ဒီအခြေအနေကို ဒေါ်အောင်ဆန်းစုကြည်က သိချင်တယ်ဆိုတာ သဘာဝကျပါတယ်။ ဒါပေမယ့် ဆိုရှယ်မီဒီယာရဲ့ သြဇာနဲ့ Mainstream မီဒီယာတွေရဲ့ သြဇာ အခန်းကဏ္ဍပိုင်းယှဉ်လာခဲ့ရင်တော့ ဘယ်အရာရဲ့ သြဇာကြီးမားလာမှုက မြန်မာ့လူ့အဖွဲ့အစည်းအတွက် မြန်မာ့ဒီမိုကရေစီအပြောင်းအလဲအတွက် ကောင်းကျိုးသက်ရောက်မှု ရှိစေနိုင်မလဲဆိုတာကိုပါ ထည့်သွင်းစဉ်စားဖို့လိုအပ်ပါတယ်။ ဆိုရှယ်မီဒီယာပေါ်မှာ NLD ကို ထောက်ခံပြီး အမြဲတစေ ကောင်းကြောင်းသာရေးသားနေသူတွေရှိသလို၊ တစ်ဖက်မှာ စစ်တပ်နဲ့ ပြည်ခိုင်ဖြိုးဘက်ကရပ်ပြီး NLD ကို တိုက်ခိုက်နေသူတွေ၊ သတင်းအမှားနဲ့ အမုန်းတရာဖြန့် ၀ါဒဖြန့်နေသူတွေ ရှိနေပါတယ်။ ဒီလို အခြေအနေမျိုး လူ့အဖွဲ့အစည်း အခြမ်းနှစ်ခြမ်းခွဲပြီး ဟိုဘက်မှာ ရပ်မလား ၊ ဒီဘက်မှာရပ်မလား၊ အနီလား အစိမ်းလားဆိုတဲ့ ရွေးချယ်မှုပဲ ပေးမှာလား။ ဒါမှမဟုတ် သတင်းမီဒီယာတွေရဲ့ အခန်းကဏ္ဍကို အလေးပေးပြီး ဘယ်အရာကတော့ အမှန် ၊ ဘယ်အရာကတော့ အမှားဆိုတာ သုံးသပ်နိုင်တဲ့ အခြေအနေတွေကို ဖန်တီးပေးမှာလားဆိုတာ နိုင်ငံခေါင်းဆောင်တစ်ယောက်က မဖြစ်မနေ စဉ်းစားပေးရမှာဖြစ်သလို ဒီမိုကရေစီအတွက် လိုအပ်တဲ့ အစိတ်အပိုင်းတွေရဲ့ အခန်းကဏ္ဍကို မြှင့်တင်ပေးရမှာဖြစ်ပါတယ်။ ဒီမိုကရေစီအရေးဆိုတာက တစ်ယောက်တည်းပြေးပြီး ပန်းဝင်နိုင်တဲ့
မာရသွန်ပြေးပွဲတွေနဲ့ မတူနိုင်ပါဘူး။ ဒီမိုကရေစီအသွင်ကူးပြောင်းမှု အောင်မြင်ဖို့အတွက် လိုအပ်တဲ့ အစိတ်အပိုင်းတွေ၊ အခန်းကဏ္ဍတွေ တန်ဖိုးထားရမယ့် စံနူန်းတွေ မလွဲမသွေလိုအပ်ပါတယ်။ ဒါတွေအားလုံးဟာ ဒီမိုကရေစီစနစ်အောင်မြင်တည်တံ့ဖို့ အလုပ်အလုပ်ပေးနေတဲ့ အရာတွေဖြစ်တာကြောင့် ဒီမိုကရေစီရလာမှ
ဒါ​တွေကို လုပ်​​ဆောင်​မယ်ဆိုတဲ့ ​စိတ်ကူးယဉ်မှုမျိုး
စိတ်ကူးယဉ်လို့မရနိုင်ပါဘူး။
သတင်းမီဒီယာဆိုတာလည်း ဒီမိုကရေစီစနစ်ထဲက လိုအပ်တဲ့ အစိတ်အပိုင်းတစ်ခုပါပဲ။ သတင်းမီဒီယာတွေရဲ့ အခန်းကဏ္ဍကျရှုံးတာကို မြင်ချင်နေတယ်ဆိုတာက တနည်းအားဖြင့် ဒီမိုကရေစီကို ငြင်းပယ်တာပါပဲ။ အတူတကွလျောက်လှမ်းရမယ့် ခရီးမှာ အစိတ်အပိုင်းတစ်ခုခုကို ဖြုတ်ချထားချင်တယ်ဆိုတဲ့ ယူဆချက်မျိုးရှိလာနေရင် ဒါဟာ ဒီမိုကရေစီခရီးလမ်းကို လျောက်လှမ်းနေတယ်လို့ ဆိုနိုင်မှာမဟုတ်တော့ပါဘူး။