" ဒါနရှင် အပေါင်း သူတော်ကောင်းတို့ ခင်ဗျား မရှိလို့ မထိုး မထိုးလို့မရှိ ဆိုသလို မဖြစ်ရလေ အောင် သဒ္ဒါတရား နည်းများ မဆို
ထောက်ခံ လက်မှတ်လေးတွေ ထိုးသွားနိုင်ပါတယ် ရေဗူးနဲ့ဖိနပ်မပါရင်နွေအခါမှ သိ၊ ဒါနနဲ့သီလ မပါရင် သေခါမှ သိ ဆိုသလို ထောက်ခံလက်မှတ်လေးမှ မထိုးခဲ့ရင် လွှတ်တော်ကြ သိရပါလိမ့်မယ် "
အသံမှာ တစ်ခြားနေရာကလာသော အသံမဟုတ် မြို့လည်ကောင်တစ်နေရာရှိ အလှူခံမဏ္ဍပ်မှ လာသော အသံဖြစ်သည်။ အလှူခံမဏ္ဍပ်ဆို၍ ဘာကို အလှူခံသော မဏ္ဍပ်လည်းဟု မေးစရာ ရှိနိုင်ပါသည်။ ထောက်ခံလက်မှတ် အလှူခံသော မဏ္ဍပ်ဖြစ်လေသည်။
မြန်မာလူမျိုးတို့ သည် အလှူအတန်း ပြုလုပ်သည့်နေရာ၌ အင်မတန် ရက်ရော ကြသူများ ဖြစ်သည်မှာ ငြင်းဖွယ်ရာမရှိ ခေတ်ကာလ အချိန်သည်ကလည်း ဒီမိုကရေစီ ခေတ်ဖြစ်လာခဲ့သောအခါတွင် အများသဘောတူညီချက်လက်မှတ်များမှာ လွန်စွာ အရေးကြီးလာသော အရာဖြစ်လေဧ။် ထို့ကြောင့် ထောက်ခံလက်မှတ်များအား မဏ္ဍပ်ဖွင့်၍ အလှူခံသည်မှာ ထူးဆန်းသည့်အရာမဟုတ်တော့ ။ တစ်မှုထူးခြားဖွယ် မြန်မာဒီမိုကရေစီ ဓလေ့ ဖြစ်လာလေတော့သည်။
အစောက အလှူခံနေသည့် အသံထွက်ပေါ်လာသော မဏ္ဍပ်မှာ မျိုးဖြုတ်ဥပဒေ ပြဌန်းနိုင်ရေးအတွက် ဖြစ်သည်။ မဏ္ဍပ်ထိုးပြီး အလှူခံသည်က မျိုးဖြုတ်ဥပဒေတစ်ခုထဲတော့ မဟုတ်၊ တစ်ခြားသော ဥပေဒထောက်ခံရေး လက်မှတ် အလှူခံမဏ္ဍပ်တွေ များစွာရှိသည်။ များတာမှ တော်တော်များသည်။
အရက်သမားများအဖွဲ့ချုပ်က တင်သွင်းဖို့ကြိုးစားနေသော အရက်ကုန်ဈေးနူန်းလျှော့ချရေး
ထောက်ခံလက်မှတ် အလှူခံရာဌာန၊
လူပျိုကြီးများသမဂ္ဂ မှ ကြိုးစားအကောင်အထည်ဖေါ်နေသော
သက်တမ်းလွန်လူပျိုကြီးများအား အိမ်ထောင်ချပေးရေးဥပဒေ တင်သွင်းရန်အတွက်
ထောက်ခံလက်မှတ် အလှူခံမဏ္ဍပ်၊စသည့်ဖြင့် နေရာမျိုးစုံ၌ မဏ္ဍပ်မျိုးစုံရှိကြသည်။
ထောက်ခံလက်မှတ် မဏ္ဍပ်ဖွင့်ပြီး အလှူခံကြသည်မှာ လူကြီးများတင်မဟုတ် ကလေးများကလည်း အားကျမခံ ထောက်ခံလက်မှတ်စုစောင်းကြသည်များလည်းရှိကြသည်။
"တစ်နေ့ မုန့်ဖိုးငါးရာ အနည်းဆုံးပေးရေးနှင့် လွတ်လပ်စွာ ဂိမ်းဆော့ပိုင်ခွင့် ဥပဒေ" တင်သွင်းနိုင်ရန်အတွက် မြန်မာနိုင်ငံကလေးသူငယ်များသမဂ္ဂ က ဦးဆောင်ကြိုးပမ်းနေကြသည်။
မြန်မာ့ဒီမိုကရေစီမှာ တစ်မှုထူးခြား ဒီမိုကရေစီဟု ဆိုနိုင်သည်။ လူ့အခွင့်လာမပြောနဲ့ ဒီမိုကရေစီဆိုတာ လူများစုသဘော ငါတို့လူများတယ် ဒီမိုကရေစီအရ ငါတို့လုပ်ချင်တာ လုပ်မည်ဆိုသည့် ပုံသဏ္ဍန်မျိုးဖြစ်သည်။ ထို့ကြောင့် ထောက်ခံလက်မှတ်များသည် အမေရိကန်ဒေါ်လာတွေ ထက်ပင် တန်ဖိုးကြီးလေသည်။
မြန်မာနိုင်ငံမှာ ဒီမိုကရေစီထွန်းကားလာတော့ ပြောင်းလဲမှုများစွာကလည်း ကြုံတွေ့လာခဲ့သည်။ ယုတ်ဆွဆုံး ကလေးတွေကစားပုံကစားနည်းတောင် ပြောင်းသွားသည်။ အရင်ကလို ဒိုးပစ် ခွေလှိမ့် ဇယ်တောက် ထုတ်ဆီးထိုး ဘယ်သူမှ မကစားကြတော့။ ကစားနည်းသစ်တွေ ပေါ်ထွက်လာသည်။ ဆန္ဒပြတမ်း ကစားနည်းတို့ လက်မှတ်ထိုးတမ်းကစားနည်း၊ တို့စသည်ဖြင့် ပြောင်းလဲသွားကုန်ကြသည်။
ဆန္ဒပြသည့်နည်းစနစ် ခေတ်စားလာသည်ကလည်း အံ့မခန်းဖွယ်ဖြစ်သည်။ ထောက်မခံလည်းဆန္ဒပြမယ်၊ ထောက်ခံလည်းဆန္ဒပြမယ် ကြိုက်လည်းပြမယ် မကြိုက်လည်းပြမယ် ဆိုသည့် ပုံသဏ္ဍန်မျိုးဖြစ်လေသည်။ ကလေးတွေက မိဘတွေကို ဆန္ဒပြသည်။ မိန်းမက ယောက်ျားကို ဆန္ဒပြသည်။ စသည့် ဆန္ဒပြပွဲများဖြင့် မြိုင်မြိုင်ဆိုင်ဆိုင် မြန်မာပြည်ဖြစ်နေလေတော့သည်။ ဒါတွေသည်ပင်မက လင်မယားနှစ်ယောက် အရမ်းချစ်သည့်ကိစ္စမျိုးကိုတောင် အိမ်ထဲမှာ မထား။ လမ်းပေါ်ထွက် လူလည်ကောင်ရောက်မှ
"ကျွန်မယောက်ျားကို အရမ်းချစ်ပါတယ်။ ယောက်ျားက အရမ်းချစ်ဖို့ကောင်းကြောင်း ဆန္ဒထုတ်ဖေါ်ပါတယ်"ဟု လုပ်ဆောင်သည့် အနေအထားတွေ တောင်ရှိသည်။
ကောင်မလေးတွေက ကောင်လေးတွေ ရှိက အဖြေတောင်းရင်တောင် ရိုးရိုးတန်းတန်းမတောင်း
ထောက်ခံလက်မှတ် ဘယ်လောက်ရလာအောင်လုပ်ပါ၊ ပြီးရင် ကျွန်မကို ချစ်ကြောင်း ဆန္ဒထုတ်ဖေါ်ပြပါ ဟု ဆိုပြီး လုပ်တတ်ကြသည်။
အလှူခံမဏ္ဍပ်ကို ပြန်ဆက်ရလျှင်မှု။ မြန်မာနိုင်ငံတစ်ခွင်တွင် ထောက်ခံလက်မှတ်အလှူခံဌာန၊မဏ္ဍပ်တို့ဖြင့် စည်းကားသိုက်မြိုက်လွန်းနေသည်။
မောင်မူးရစ် တစ်ယောက် ကြောင်တိကြောင်တောင်ဖြင့် ရန်ကုန်မြို့လည်ကောင်တစ်နေရာသို့ အလည်အပတ်သွားရောက်ခဲ့လေရာ
လမ်းတစ်နေရာ အရောက်တွင်..
ဒီမယ်နောင်ကြီး " ထောက်ခံလက်မှတ်လေး အလှူခံ ထည့်သွားလိုက်ပါဦး" အလှူခံဘောက်ချာစာအုပ်များစွာ ကိုင်ဆောင်ထားသော လူအုပ်ကြီးကို တွေ့လိုက်ရသည်။ မောင်မူးရစ်က အငြိမ်မနေ မေးလိုက်မိသည်။
"ဘာကို ထောက်ခံပေးရမှာလဲဗျ"
"ဘာကို ထောက်ခံပေးရပါမလဲဆိုတော့ အရက်ကုန်ဈေးနူန်းကျဆင်းရေးနဲ့ အရက်သမားအခန်းကဏ္ဍမြင့်ပေးရေးဥပဒေ တင်သွင်းဖို့အတွက်ပါ ထိုးစရာရှိထိုးလိုက်ပါ ခင်များက အရက်သမားပုံလည်းပေါက်ပါတယ်"
ထောက်ခံလက်မှတ်မထိုးပေးလိုက်ရင် ၀ိုင်းရိုက်ကြမည့် အနေအထားများရှိကြသည်။ မောင်မူးရစ် ဒီထက်ပိုပြီး ကန့်လန့် မတိုက်ရဲ
ထောက်ခံလက်မှတ်ကို အောက့်သက်သက်ဖြင့်ထိုးပေးလိုက်ရသည်။ ဒါတောင် ဒီလူတွေက မကြည်သလို ရေရွတ်နေကြသေးသည်။ ဒီလူသဒ္ဒါတရားတော်တော်အားနည်းတာပဲ သံသရာဝတ်ဆင်းရဲက မလွတ်ချင်ဘူးထင်တယ် ။
ထိုလူတွေ ကြည့်ရသည်မှာ မောင်မူးရစ်မြင်ဖူးသလိုလို ရှိသည်။ လူအုပ်ထဲက မိုက်ကန်းကန်းဖြင့် လူများမှာ မောင်မြတ်သူတို့ အောင်ပြည့်တို့နဲ့ ကိုမှူး အားမန်တို့နဲ့ ခပ်စင်စင်တူသလိုရှိသည်။ ခင်စင်စင်မဟုတ် သေချာပေါက်ဖြစ်နိုင်သည်။ သူတို့သည်ကလည်း ယမကာချစ်သူတွေ မဟုတ်လား
မောင်မူးရစ် ခြေလှမ်းသုံးလမ်း လောက်ပင် မလှမ်းရသော နောက်ထပ် ထောက်ခံအလှူခံမဏ္ဍပ်က ရောက်လာပြန်ဘောလသည်။ ထောက်ခံလက်မှတ် အလှူခံပါတယ်
ဘာအတွက် လည်းဟု မောင်မူးရစ်က မေးမြန်းလိုက်ရာ မျိုးဖြုတ်ဥပဒေ ပြဌန်းရေး အတွက်ဟု ပြန်ပြောကြလေသည်။ မောင်မူးရစ် နားမလည် "ဘာအမျိုးက ဘာအမျိုးကို ဖြုတ်မှာတုန်းဗျ အားလုံးလူတွေကြီးပဲ ကို.."
မောင်မူးရစ် စကားပင်မဆုံးလိုက် မဏ္ဍပ်အတွင်းမှ မိုက်ကိုင်ထားသော လူတစ်ယောက် မိုက်ကြီးဖြင့် ဂီးဂီးဂါးဂါးထအော်သည်။ အနီ၊အညို၊အမဲ အသားအရောင်မျိုးတွေ အကုန်ဖြုတ်ပစ်ရေးပဲ တို့က အဖြူအဖွဲ့ "
မောင်မူးရစ် စဉ်းစားလိုက်လေ သူလို့ အသားအရောင်မည်းမည်းတူးတူး လူကိုမှ အနီ၊အညို၊အမဲ အသားအရောင်မျိုးတွေ အကုန်ဖြုတ်ပစ်ရေး ဥပဒေအတွက် ထောက်ခံလက်မှတ် လာအလှူခံသည်မှာ ဘာသဘောနည်း သူမထိုးပါက သူ့ကို ပြန်ထိုးပေးတာ ခံရနိုင်ချေ ရှိသောကြောင့် လက်မှတ်ထိုးပြီး လှူလိုက်ရလေတော့သည်။(အမှန်တော့ သူတို့ အတွက်က မည်းမည်းတူးတူး လက်မှတ်ရဖို့ အရေးကြီးလေသည်။)
ထိုသို့ဖြင့် မောင်မူးရစ် ခြေလှမ်း သုံးလှမ်းလောက် လှမ်းလိုက် ထောက်ခံလက်မှတ် မဏ္ဍပ်တစ်ခု တွေ့လိုက်နှင့် မောင်မူးရစ် ညာဘက် လက်မောင်းမှာ မင်းသားအားနိုးလက်မောင်းလုံးထက် ဆယ့်ငါးဆခန့် ကြီးလာသလို ထင်ရတော့သည်။ တစ်ခါတစ်ခါဆိုလျှင် လက်မှတ်ထိုးပေးဖို့ မနည်းမြှောက်ရသည် အထိ..။
ထိုသို့ဖြင့် မောင်မူးရစ်တစ်ယောက် ရန်ကုန်မြို့တွင်း၌ ထောက်ခံအလှူခံမဏ္ဍပ်တွေနဲ့ တိုင်ပတ်နေလိုက်၊ ဆန္ဒပြပွဲတွေနား ရောက်ပြီး ရှုပ်ရှက်ခက်နေလိုက်ဖြင့် ရန်ကုန်မြို့ပေါ်တွင် သုံးလ လောက် တိုင်ပတ်ပြီးနောက်မှသာ အိမ်သို့ ပြန်ရောက်လေတော့သည်။
မူးရစ်
No comments:
Post a Comment