ကိုယ် သိထားတဲ့ အကြောင်းအရာတွေ ထဲမှာ
ကိုယ့် အသက်ရူသံတွေ ပါမလာဘူး
မျက်လုံးဟာ အမြင်အာရုံတွေကိုေ၀၀ါးစေတယ်။
အသိစိတ်က စတင်လို့...
ညဥ့်နက်လာတဲ့အထိ ကိုယ်တစ်ယောက်ထဲ ဖြစ်နေတယ်။
စီးကရက်တွေ ဘယ်နှလိပ် ကုန်နေပြီလဲ
ကော်ဖီဘယ်နှခွက် သောက်မိပြီ လဲ..
ကိုယ်မသိတော့ဘူး
ကမ္ဘာကြီးမှာ ဒီထက်ပိုပြီး ခြောက်ကပ်နေစရာ အခြေအနေ
စွဲထုတ် ကြည့်မိတဲ့ အတွေးတွေ အစတွေ
နားထဲမှာ မီးခြစ်သံတွေပဲ ကြားနေရတယ်။
အသံတစ်ခုရပ်သွားတာ ကိုယ်စောင့်နေတာလား
ရင်ထဲမှာ.."နင်" နေတာကလွဲ ပြီး .
ကိုယ် တကယ် မသိတော့ဘူး
ယုံကြည်ရာကို ကိုးကွယ်ကြည့်ဖို့ ကိုယ့်မှာ ယုံကြည်ရာလည်းမရှိတော့
လမ်းပေါ်မှာ...
ဘက်(စ်)ကားပေါ်မှာ.
ကော်ဖီဆိုင်တွေ ထဲမှာ..
လူတွေ ပျော်နေတာ မြင်တိုင်း
ကိုယ်က ဘာလို့ဝမ်းနည်း နေရ တာလဲ
ကိုယ်က ဘာကို ဒေါသတကြီး ဖြစ်နေရတာလဲ
တစ်ခါတစ်လေ ကိုယ် ပျော်ချင်တယ်
ကိုယ် တန်းဖိုးထားခံကြည့်ချင်တယ်
ကိုယ်ကြည့်နေတယ်..ဘာကိုမှန်းမသိဘူး
ကိုယ်စောင့်နေတယ်.. ဘာကိုမှန်းမသိဘူး
အသက်ရူသံကစပြီး အားလုံးဟာ အစိမ်းသက်သက်
အတွေးတွေ..အသိညဏ်တွေ..အားလုံးးးး
အဆိပ်အတောက်ဖြစ်စေတဲ့ အစိတ်တွေပိုင်းတွေပဲ
ကိုယ့်မှာ တစ်ယောက်ထဲ ဖြစ်နေတာလား ကိုမသိတော့ဘူး
ကိုယ့်အခန်းလေးဟာ..မှောင်..ကျ..နေ..တယ်။
စွံ့အတယ်..မျိုချပစ်တယ်..။
ကိုယ့်ကို နည်းနည်းလောက်ဖြစ်ဖြစ် တန်းဖိုးထားပေးပါလား ကမ္ဘာမြေ..
ကိုယ့်မှာ..
ဒီ..စောက်စီးကရက်တွေပဲ ဖွာနေရတယ်။
ကိုယ့် အိမ်မက်တွေကို အသေအလဲ ခုခံထားရတယ်။
နောက်ဆုံး.. ကိုယ့်ခံနိုင်ရည် နောက်ဆုံးအချိန်ထိ..
အားးး..............
မသေချာဘူးးး ကိုယ်ကိုယ်တောင် မသေချာတော့ဘူး
ကိုယ့်ကိုယ်ကို တောင် ကိုယ်က အရေးမကြီးတော့ဘူး
............................................................
ကိုယ်ဘာမှ မတတ်နိုင်ဘူး
---- အသိစိတ်တွေ------ေ၀၀ါးနေတယ်။
မျက်ဝန်းထဲမှာ အရည်တစ်ခုခု ခံနေတယ်။
ကိုယ် စီးကရက်တွေ ဖွာနေတာလား
ဒါမှမဟုတ်.. ကိုယ်ကော်ဖီတွေသောက်နေတာလား
ကိုယ်လမ်းတွေ လျှောက်နေတာလား ထိုင်နေကြ ထောင့်စွန်းလေးမှာလား
ကိုယ့်မှာ---- ဘာလိုအပ်နေတာလဲ...
ကိုယ့် ခံနိုင်ရည်ဟာ ရာခိုင်နူန်း ဘယ်လောက်ကို ရောက်နေပြီလဲ
ကိုယ်..ကိုယ်..
ကိုယ် တကယ်မသိတော့ဘူး....
ကိုယ်... ထွက်ပြေးသွားချင်တယ် ကမ္ဘာမြေ။
မှူးသစ်
26/8/2012
PM-- 11; 48
No comments:
Post a Comment