“စိတ်ကျညနေခင်းထဲက..စိတ်ကျ ကဖေး”
စိတ်ကျနေတဲ့ လမ်းဘေးကဖေးဆိုင်ကလေးက စတင်တယ်
ညနေခင်းဟာ စိတ်ကျနေတဲ့ ညနေခင်း တစ်ခုပြီး
ညနေခင်းဟာ..
လူငယ်တစ်ယောက်ရဲ့ မနက်ဖြန်တွေကို ရွာတော့မလိုနဲ့ ပြိုဆင်းသွားစေတယ်
=======================================
လူငယ်ဟာ..ခွေးခြေ ခုံပုကလေးကို ဆွဲယူထိုင်တယ်။
အပေါစားစက်ရုံထုတ် ကော်ဖီတစ်ခွက် မှာတယ်။
“ပျှော်ရွှင်မှုတွေက တစ်နေ့လုံးရှာမရဘူး”
လူငယ်ဟာ သင်ခန်းစာတွေကို ကော်ဖီတစ်ခွက်နဲ့ မျှောချပစ်လိုက်တယ်။
လူငယ်ဟာ လူ့အဖြစ်ကို မီးညှိပြီး..............
စီးကရက်တွေလို တစ်ရှိုက်ပြီး တစ်ရှိုက် ဆက်တိုက်ဖွာနေတယ်။
လူငယ်တစ်ယောက်ရဲ့ စိတ်တွေ ကျ..ဆင်း..သွားတယ်။
စိတ်ကျနေတဲ့ ညနေခင်းထဲက စိတ်ကျကဖေးမှာ
စိတ်ကျနေတဲ့.လူငယ်တစ်ယောက်ဟာ အံမ၀င် ခွင်မကျ ဖြစ်နေတယ်။
လူငယ်ဟာ “တောက်”မခေါက်တတ်ဘူး.
လူငယ်ဟာ..စိတ်အလိုမကျဖြစ်တိုင်း/၀မ်းနည်းလာတိုင်း
လူ့အဖြစ်ကိုမီးညှိထားတဲ့..စီးကရက်တွေဖွာနေတတ်တယ်။
လူငယ်ဟာ လူတွေအတွက် အရေးမကြီးတဲ့လူငယ် ဖြစ်တယ်။
လူငယ်ဟာ..စိတ်ကျနေတဲ့ကော်ဖီတစ်ခွက်သောက်ပြီး
လူငယ်ဟာ.. စိတ်ကျနေတဲ့ ညနေခင်းဖြစ်သွားတယ်။
စိတ်ကျနေတဲ့ ကဖေးဆိုင်ကလေး ဖြစ်သွားတယ်။
=======================================
စိတ်ကျနေတဲ့ ကဖေးဆိုင်ကလေးဟာ..ပွဲတော်တွေနဲ့ကင်းလွတ်တယ်။
စိတ်ကျနေတဲ့ ကဖေးဆိုင်မှာ. မာကျုရီမီးရောင်တွေ ချို့တဲ့တယ်။
စိတ်ကျနေတဲ့ကဖေးမှာ..တိုးတိုးလေး ဖွင့်ထားတဲ့ သီချင်းသံတွေနဲ့ တိတ်ဆိတ်မှုတွေဟာ
ရောထွေးနေတတ်တယ်။
စိတ်ကျနေတဲ့ ကဖေးဆိုင်ကလေးဟာ.
လွင့်နေတဲ့ ဆံနွယ်ကလေးတွေနဲ့.ခိုးခိုး..ခစ်ခစ်..ရယ်သံတွေရဲ့ ကမ္ဘာတစ်ဖက်မှာ ရှိတယ်။
စိတ်ကျနေတဲ့ကဖေးဟာ စိတ်ကျနေတဲ့ညနေခင်းထဲမှာ ရှိပြီး
စိတ်ကျနေတဲ့ ကော်ဖီတစ်ခွက်ရှိတယ်။
စိတ်ကျနေတဲ့ ကဖေးဆိုင်ကလေးဟာ..
အဆင့်မြင့် ဟိုတယ်ကြီးတစ်လုံးရဲ့ လမ်းတစ်ဖက်မှာရှိနေပြီး
စိတ်ကျနေတဲ့ လူငယ်တစ်ယောက်က..မေ့လောက်တဲ့အခါ စိတ်ကျနေတဲ့ ကော်ဖီတစ်ခွက်သောက်တတ်တယ်။
စိတ်ကျနေတဲ့ ကဖေးဆိုင်ကလေးမှာ ကိုယ်ပိုင် အလင်းရောင်မရှိဘူး
စိတ်ကျနေတဲ့ ကဖေးဆိုင်ကလေးမှာ..လူ့အဖြစ်ကိုမီးညှိထားတဲ့ စီးကရက်တွေ အငွေ့ပျံနေတယ်။
စိတ်ကျကဖေးမှာ ထိုင်နေတတ်တဲ့ စိတ်ကျလူငယ်ဟာ
ဘာကိုမှ စူးစမ်းလိုစိတ်မရှိပဲ..
အဆင့်မြင့်ဟိုတယ်ကြီးရဲ့..အမြင့်ဆုံးအထပ်ပေါ်က လူတစ်ယောက်တစ်ယောက် ကျ..ဆင်းလာ.မှာကို
မျှော်လင့်နေတတ်တယ်။
==============================================
စိတ်ကျနေတဲ့..လူငယ်ဟာ
စိတ်ကျကဖေးရဲ့.လမ်းတစ်ဖက်မှာရှိတဲ့..အဆင့်မြင့်ဟိုတယ်ကြီးရဲ့ အမြင့်ဆုံးအထပ်ပေါ်ကနေ
ကျ.ဆင်း..လာတဲ့ လူတစ်ယောက် အဖြစ် ခံစားကြည့်ချင်လာပြီးနောက်
#############################################
စိတ်ကျညနေခင်းရဲ့အဆုံးသတ်ဟာ..
စိတ်ကျကဖေးဆိုင်ကလေးထဲက လူငယ်တစ်ယောက်ရဲ့..စိတ်ကျသွားမှု အဆုံးမှာ..
ပြီးဆုံး.သွားခဲ့တယ်။
မှူးသစ်
1/6/2012 AM;12:45
မှတ်ချက်။ ။စိတ်ကျကဖေး= တစ်ခါတစ်ခါ ညနေခင်းတွေမှာကျွန်တော် ထိုင်တတ်တဲ့ လမ်းကော်ဖီဆိုင်ဖြစ်သည်။
No comments:
Post a Comment