တောင်တက်တောင်ဆင်းလမ်းဟာ စောစောနက ရွာထားခဲ့တဲ့မိုးရေကြောင့် စိုစွတ်ပြောင်လက်ပြီး အနက်ရောင်မြွေတစ်ကောင် ငြိမ်သက်လဲလျောင်းနေသလိုမျိုးပဲ။ သူ့ရဲ့ကျောပြင်ပေါ်က မျက်နှာပြင်မညီတဲ့အရိုးအငေါအဆစ်တွေကြောင့် ငွေမင်ရောင်စကူတာဆိုင်ကယ်လေးက အလိုရှိသလောက် တရိပ်ရိပ်မပြေးနိုင်တာတောင် တဝေါဝေါနဲ့ဝင်ရိုက်တဲ့လေတိုးသံတွေကြားနေရလို့ အရှိန်မသေးဘူးဆိုတာ သိနိုင်တယ်။ နီနာရဲ့ဆံနွယ်ရှည်တွေက တစ်ချက်တစ်ချက် နှာခေါင်းဝဆီ လူးလွန့်တိုးဝှေ့လာတယ်။ ကျွန်တော်သိပ်ကြိုက်တယ်ပြောခဲ့ဖူးတဲ့ သင်းပျံ့ပျံ့ရနံ့တစ်ခုရဲ့ စွဲမက်ဖွယ်ဖြားယောင်းမှုနဲ့အတူပေါ့။ ဒါပေမယ့် ဆိုင်ကယ်ထိုင်ခုံရဲ့ဘေးတစ်ဖက်တစ်ချက်စီက လက်ကိုင်တန်းကို ခပ်တင်းတင်းဆုပ်ကိုင်ထားရလို့ ရင်ခုန်ဖို့အတွေးတွေ ခဏဖျောက်ထားရတယ်။ ရောက်နေတာက နေသားတကျမရှိလှတဲ့ ပုံစံတစ်ခုမဟုတ်လား။ ကျွန်တော့်ခန္ဓာကိုယ် တောင့်တောင့်မတ်မတ်ဖြစ်နေတာကို သတိထားမိသွားတဲ့ နီနာက ရယ်ပြီး သူ့ကိုဖက်ထားပါလားလို့ ပြောတယ်။ ဒါဟာ သိပ်တော့ကောင်းတဲ့အကြံမဟုတ်ဘူး။ ကျွန်တော်ပြန်ရယ်ပြပြီး (သူမမြင်ရမှန်းသိပေမယ့်) ခေါင်းခါလိုက်တယ်။ မတ်စောက်တဲ့တောင်ဆင်းနောက်တစ်နေရာကိုရောက်တော့ ပြောသလို လုပ်လိုက်ခဲ့ဖို့ကောင်းတယ်လို့ တွေးမိပြန်ရော။
ကမ်းခြေလမ်းထဲကိုချိုးကွေ့လာတော့ ညနေခင်းနေရောင်က လမ်းတစ်လျှောက်ကို ပြန်လည်ဖြန့်ကျက်အုပ်မိုးစပြုနေပြီ။ ကဗျာဆရာတစ်ယောက်သာရှိရင် ရွှေခြည်တွေအနားကွပ်ဘောင်သတ်ထားတဲ့
ကမ္ဘာလောကကြီးရဲ့အလှအကြောင်း၊ လမ်းလျှောက်နေတဲ့ သံလွင်သီးရောင်အသားအရေနဲ့မိန်းကလေးတွေရဲ့ အလှအကြောင်း တခမ်းတနားကဗျာစပ်ဆိုဖို့ ကြိုးစားလိမ့်မယ်။ ပင်လယ်လှိုင်းပုတ်သံ၊ ဆိုင်ကယ်ဟွန်းတီးသံ၊ ကားတာယာသံ၊ လမ်းပြရဲသားဆီက ၀စီသံ၊ သီချင်းတီးလုံးသံ၊ ရယ်မောသံနဲ့ အခြားအသံပေါင်းစုံရောနှောပြီး အခုနက အေးစိမ့်နေခဲ့တဲ့အရိပ်အငွေ့တွေ ဘာဆိုဘာမှ မရှိတော့ဘူး။ ညနေခင်းရှုမြင်ကွင်းဟာ အက်စ်ပရက်စ်ဆိုကော်ဖီတစ်ခွက်လိုမျိုး အနည်းငယ်စိုစွတ်မှုလက်ကျန်နဲ့ ပူနွေးနေတယ်။
နီနာက လမ်းကြားလေးတစ်ခုထိပ်မှာ ဆိုင်ကယ်ကိုအရှိန်သပ်လိုက်ပြီး ဘယ်သွားချင်သလဲလို့ ကျွန်တော့်ကိုမေးတယ်။ မနေ့ညကတွေ့ခဲ့ရတဲ့ ဆီဆေးပန်းချီကားချပ်တွေပြန်ကြည့်ချင်လို့ လက်မှုအနုပညာပစ္စည်းတွေရောင်းတဲ့ ဈေးတန်းထဲ လိုက်ပို့ဖို့ပြောတော့မယ်အလုပ်မှာ မိုးရိပ်မစင်ချင်သေးတဲ့ ခဲသားရောင်ကောင်းကင်နောက်ခံပေါ် ပန်းနုရောင်နဲ့ အ၀ါရောင်အစက်ကလေးနှစ်စက်ကို သွားတွေ့တယ်။ အဲဒါဘာလဲလို့ နီနာကိုမေးကြည့်တော့ လေထီးရွက်လွှင့်စီးတာတဲ့။ ဒါဆို အောက်မှာကြိုးနဲ့ဆွဲပေးထားမယ့် စပိဒ်ဘုတ် သို့မဟုတ် ဂျက်စကီးတစ်စီးစီး ရှိမှာကျိန်းသေပဲပေါ့။ နှစ်ရက်လုံးလုံး ကမ်းခြေမှာခြေချဖို့ အခွင့်မကြုံသေးလို့ အဲဒီလေထီးတွေကို အရင်ကသတိမထားခဲ့မိဘူး။ စွန့်စားမှုအသစ်အဆန်းတစ်ခုကို ထိတွေ့ပွတ်သပ်ကြည့်လိုစိတ်ဟာ ဆတ်ခနဲခေါင်းထောင်လာတယ်။ နီနာ့ကိုမေးတော့ ခေါင်းခါယမ်းရင်း ရင်တုန်စရာကောင်းလို့ တစ်ခါမှစမ်းသပ်ကြည့်ဖို့စိတ်ကူးမရှိခဲ့ဘူးလို့ ဖြေတယ်။ ဘာကြောင့် ငွေကြေးကုန်ကျခံပြီး စိုးရွံ့ကြောက်လန့်စရာအတွေ့အကြုံတစ်ခုကို ၀ယ်ယူချင်ရတာလဲလို့တောင် ကျွန်တော့်ကို ပြန်မေးခွန်းထုတ်လိုက်သေးတယ်။
လူတွေ ဘာကြောင့်တစ္ဆေသရဲရုပ်ရှင်ကြည့်တာလဲ ဆိုတဲ့မေးခွန်းနဲ့ သဘောတရားသက်ရောက်ပုံချင်း ခပ်ဆင်ဆင်ဖြစ်မယ်ထင်တယ်။ စိတ္တဇလူသတ်ကားတွေကို ခရဇီဖြစ်တဲ့ ကျွန်တော်က ဘတ်ဖလိုဘေလ်ရဲ့မျက်နှာကိုပဲမြင်ယောင်နေပြီး အဲဒီမေးခွန်းကို မဖြေတတ်ဘူး။ စိတ်လှုပ်ရှားမှုကလည်း နည်းနည်းလေးတောင်မှ လျော့မသွားတဲ့အပြင် နီနာပြောလိုက်မှ စမ်းသပ်ကြည့်ချင်စိတ် ပိုလို့တောင်တိုးလာတယ်။ ယောက်ျားလေးနဲ့မိန်းကလေးကွာခြားတဲ့အချက်က ဒါပဲထင်ရဲ့။ ဈေးတန်းထဲသွားဖို့စိတ်ကူးကို ချက်ချင်းပယ်ဖျက်လိုက်ပြီး ကမ်းခြေကိုခြေဦးလှည့်ဖို့ ဆုံးဖြတ်လိုက်တယ်။ နီနာက လေထီးစီးဖို့ အပြင်းအထန်ငြင်းပေမယ့် ကျွန်တော့်ကိုအဖော်လုပ်စောင့်ပေးဖို့တော့ သဘောတူတယ်။ ဒါဆို ခြွင်းချက်မရှိ အိုကေပဲပေါ့။
ကျွန်တော်တို့ရဲ့ဆိုင်ကယ်စီးဦးထုပ်တွေနဲ့ ခြေညှပ်ဖိနပ်တွေကို ဆိုင်ကယ်နဲ့အတူထားခဲ့ပြီး သဲသောင်ပြင်ရှိရာကို လျှောက်လာခဲ့ကြတယ်။ သဲပြင်ပေါ်ကို ချနင်းမိတဲ့ပထမဆုံးခြေလှမ်းက စိတ်လှုပ်ရှားစရာပဲ။ ဖြူဖွေးနေတဲ့သဲပြင်ထဲ ကျွန်တော့်ခြေထောက် ကျွံကျနစ်ဝင်သွားတာကိုဆွဲနှုတ်ပြီး ကလေးဘ၀က သဲနဲ့ဆော့ဖူးတဲ့အမှတ်တရတွေကို ပြန်သတိရမိတယ်။ ပင်ပင်ပန်းပန်းတည်ဆောက်ပြီးမှ တစ်ယောက်နန်းတော်ကို တစ်ယောက်ဖြိုဖျက်ဖို့ ကြိုးစားခဲ့ကြတာလေ။ အဲဒီကစလို့ မိုက်ရူးရဲဆန်ဖို့ ၀န်လေးတွန့်ဆုတ်လာတတ်တာ။ သဲသောင်တစ်လျှောက် ထင်ကျန်ရစ်တဲ့ခြေရာနှစ်စုံက ကျွန်တော်တို့နောက်မှာ စွပ်ကြောင်းတစ်ခုအဖြစ် ကျန်ခဲ့တယ်။ နီနာရဲ့ခြေရာခွက်က ကျွန်တော်နဲ့ယှဉ်လိုက်ရင် တကယ့်ကိုသေးသေးလေး။ သူကတော့ သတိထားမိပုံမရဘူး။ ကျွန်တော့်လက်ကိုတွဲထားပြီး လေထီးစီးဖို့လက်မှတ်ဖြတ်တဲ့နေရာမှာ ဘာတစ်ခွန်းမှဝင်မပြောဘဲ သူစီမံပေးသမျှကို ဘေးကနားထောင်နေဖို့ သတိပေးတယ်။ ဒေသခံမဟုတ်မှန်းသိသွားတဲ့အခါ ကျွန်တော့်ကို သာမန်ထက်ဈေးတင်ဖို့ ကြိုးစားလာနိုင်ကြတယ်မဟုတ်လား။ တစ်ခါတစ်ခါမှာ သူရဲ့ပါးနပ်အကွက်မြင်မှုကို မချီးကျူးဘဲ မနေနိုင်ဘူး။
နည်းနည်းတော့စိတ်ပျက်စရာလို့ ဆိုရမလားပဲ။ နီနာကိုယ်တိုင် လက်မှတ်ဝယ်ပေမယ့် သတ်မှတ်ထားတဲ့ဈေးနှုန်းထက် တစ်ချပ်တစ်ပြားမှ မလျော့ဘူး။ ကျွန်တော်ကတော့ ပိုက်ဆံအိတ်ထဲက ဘယ်နှစ်ရွက်ခုန်ပေါက်ထွက်သွားသလဲ တွေးနေဖို့ထက် အနီးကပ်မြင်တွေ့နေရပြီဖြစ်တဲ့ ရောင်စုံလေထီးတွေကို သဘောတကျငေးမောရင်း လေထဲမှာ လွတ်လွတ်လပ်လပ် ရွက်လွှင့်ပျံသန်းကြည့်ရတော့မယ့်အဖြစ်ကိုပဲ အကြိမ်ကြိမ်စိတ်ကူးယဉ်နေမိတယ်။ နီနာက စိတ်လှုပ်ရှားနေသလားလို့ မေးလာတော့ ခေါင်းခါယမ်းပြပြီးမှ အပြုံးနဲ့ခေါင်းညိတ်လိုက်တယ်။ အရင်ခေါင်းညိတ်မိရင်လည်း ပြန်ပြီးခေါင်းခါယမ်းမိဦးမယ်ထင်တယ်။ သိတယ်လို့ထင်လိုက်ပြီးမှ နောက်တဒင်္ဂမှာ မသိဘူးလို့ သဘောပေါက်မိရတာမျိုးတွေ။ ဘာပဲဖြစ်ဖြစ် ကြည့်၊ အနီရောင်လေထီးတစ်ခု ကျွန်တော့်အရှေ့ကလေထုထဲမှာ ကြွားကြွားဝင့်ဝင့် လွင့်နေတာကို နီးနီးကပ်ကပ် မြင်တွေ့နေရပြီမဟုတ်လား။ ထပ်တူပြုနှိုင်းယှဉ်ရရင် အဲဒီရင်ခုန်မှုဟာ ချယ်ရီနံ့သင်းတဲ့ပြင်သစ်အနမ်းတစ်ခုထက်တော့ ပိုချင်မှပိုမယ်၊ ဒါပေမယ့် မလျော့နိုင်ဘူး။ နောက်ထပ်လေထီးတစ်ခု ကျွန်တော်တို့ရပ်နေရာနဲ့မလှမ်းမကမ်းကို တအိအိနိမ့်ကျလာတယ်။ လေထီးကိုကြိုးနဲ့ချိတ်ဆွဲထားတဲ့ မော်တော်ဘုတ်က ပင်လယ်ကမ်းစပ်မှာအချိန်လျော့ချပြီး ကမ်းခြေကိုကျောပေးလှည့်လိုက်တော့ လေထီးဟာ သောင်ပြင်ပေါ်တည့်တည့်ရောက်လာတယ်။ အောက်မှာ လူသုံးလေးယောက်က လေထီးကျလာလောက်မယ့်နေရာကို ခန့်မှန်းတွက်ချက်ပြီး အဆင်သင့်ပြင်ထားပြီးသား။ မော်တော်ဘုတ်ရဲ့ဆွဲအားကနေ ကင်းလွတ်သွားတဲ့လေထီးဟာ စောစောနကလို မ၀ံ့ကြွားနိုင်တော့ဘဲ ဖျောတော့တဲ့အရှိန်တစ်ခုနဲ့ တဖြည်းဖြည်းချင်း အောက်ကိုပုံကျလာတော့တယ်။ လေထီးစီးသူရဲ့ ခြေနှစ်ချောင်းစလုံး သဲသောင်ပြင်ပေါ် မထိလိုက်မီမှာဘဲ အောက်ကလူအုပ်က အသင့်ဖမ်းထိန်းထားလိုက်ကြပြီ။ ကိုယ်သိုင်းကြိုးတွေကိုဖြုတ်ချလိုက်ပြီး ကျွန်တော်တို့ရပ်နေရာဘက်ဆီ လျှောက်လာတဲ့လူဖြူအမျိုးသားက ပါးစပ်မစေ့နိုင်အောင် သဘောတွေ့ရင်း အံ့သြစရာပဲ အံ့သြစရာပဲလို့ ရေရွတ်လာတယ်။ ကျွန်တော်ရော နီနာပါ တစ်ယောက်မျက်နှာတစ်ယောက်ကြည့်ရင်း ရောယောင်ပြုံးမိသွားကြတယ်။ အဲဒီအခိုက်အတန့်လေးမှာ ကျွန်တော့်ကိုယ်ကို ဂါဂါရင်လို့တောင် ထင်နေမိတာ။
အဲဒီအချိန် ပုခုံးကို ခပ်ပြင်းပြင်းပုတ်လာတာ လှည့်ကြည့်လိုက်တော့ လေထီးအထိန်းသမားတစ်ယောက်က လက်ဟန်ခြေဟန်ပြတယ်။ ကျွန်တော့်အလှည့်ပဲပေါ့။ အခုနလူဖြု ချထားခဲ့တဲ့ အနီရောင်ကိုယ်သိုင်းကြိုးဟာလည်း သဲပြင်ပေါ်မှာအပုံလိုက်အတိုင်း တစ်စုံတစ်ယောက် ပြန်လည်ကောက်ယူမှုကို စောင့်မျှော်နေသလိုမျိုးပဲ။ ပိုက်ဆံအိတ်နဲ့ လက်ကိုင်ဖုန်းကိုထုတ်ယူပြီး နီနာ့ကိုပေးခဲ့လိုက်တယ်။ နီနာကရယ်မောပြီး ကျွန်တော့်စွန့်စားခန်းကို ဓါတ်ပုံတွေ အများကြီးအများကြီးရိုက်ထားမယ်လို့ ပြောတယ်။ နောက်တစ်ခဏမှာတော့ ကျွန်တော့်ဘေးမှာ လူသုံးယောက်လောက်ဝိုင်းပြီး ကြိုးတွေတပ်ဆင်နေကြပြီ။ ခွကျတယ်ဆိုတဲ့ဝေါဟာရဟာ ကိုယ်သိုင်းကြိုးကို ပေါင်ကြားထဲကနေလျှိုသွင်းပြီး တစ်ကိုယ်လုံးတင်းကြပ်နေအောင် တုပ်နှောင်ခံလိုက်ရတဲ့ခံစားချက်ကနေ အစပျိုးတာမျိုး ဖြစ်ကောင်းဖြစ်မယ်။ ကိုင်ထားတဲ့၊ သူတို့ပြောသလို လက်နှစ်ဖက်ကလည်း လေထီးကြိုးတစ်ချောင်းစီကို တင်းတင်းကြပ်ကြပ် ဆုပ်ကိုင်ထားရတယ်။ ကျွန်တော့်ရဲ့ကျောပြင်နောက် သဲသောင်ဖြူဖြူပေါ်မှာတော့ ရုန်းကန်နိုးထခြင်းအဆင့်ကို မရောက်သေးတဲ့လေထီးဟာ ပျော့ပြောင်းတဲ့ ကမ္ဗလာကောဇောတစ်ချပ်လိုမျိုး အသာတကြည်လဲလျောင်းလို့။ လေထီးအထိန်းသမားက သူ အချက်ပေးလိုက်တာနဲ့ သဲသောင်တစ်လျှောက် စတင်ပြေးဖို့ မှာတယ်။ မဟုတ်ရင် စက်နှိုးထားတဲ့မော်တော်ဘုတ်ဆွဲခေါ်ရာဆီ ဒယဉ့်တိုက်ပါသွားလိမ့်မှာ။ အဲဒီညနေအတွက် ကမ်းခြေလူထုကို ဖျော်ဖြေတင်ဆက်မယ့် ဟာသဇာတ်ကောင်တစ်ဦးမဖြစ်ချင်ဘူးဆိုရင် ဆွဲအားအရှိန်နဲ့အညီ လိုက်ပြေးဖို့လိုမယ်။ မော်တော်ဘုတ်ဆီက လှမ်းအချက်ပြတယ်။ လေထီးအထိန်းသမားက ပြန်အချက်ပြတယ်။ ပြေးတော့တဲ့။ အနီးကပ်ပေါ်ထွက်လာတဲ့စကားသံကြားရတာနဲ့ ကျွန်တော့်ခြေထောက်နှစ်ချောင်းကိုစတင်အလုပ်ပေးတော့တာပဲ။ အနည်းငယ်အားစိုက်ရုန်းရပေမယ့် ထင်ထားတာထက်ပေါ့ပါးသွက်လက်နေတာကို သတိထားမိတယ်။ ကျွန်တော့်နောက်မှာ လူသုံးလေးယောက်က လေထီးကိုကိုင်မပြီး လိုက်ပြေးပေးနေတာကိုး။
ခြေထောက်အစုံသွက်လက်လှုပ်ရှားနေရင်းပဲ ဖျတ်ခနဲပေါ့ပါးသွားတဲ့ အခိုက်အတန့်မှာ ကျွန်တော် လေပေါ်ရောက်နေခဲ့ပြီ။ နီနာ့ဆီက ဟေးခနဲအော်သံကြားရတယ်။ အော်ဗီလီနဲ့ ၀ီလ်ဘာမဟုတ်ပေမယ့် တဒိတ်ဒိတ်သွေးခုန်နှုန်းအတက်အကျက ရိုက်ညီအစ်ကိုတွေနဲ့ သူတင်ကိုယ်တင် ယှဉ်ပြိုင်လို့ရတယ်လို့ပြောရင် ချဲ့ကားရာရောက်မလား။ ဒါပေမယ့် နာမည်ကြီုးရုပ်ရှင်ကားထဲက လီယိုနာဒိုရဲ့ ခပ်ညံ့ညံ့ဒိုင်ယာလော့ဂ်တစ်ကြောင်းလိုတော့ ငါဟာကမ္ဘာကြီးရဲ့အရှင်သခင်ဖြစ်တယ်လို့ ကြွေးကြော်ဖို့စိတ်မကူးဖြစ်ဘူး။ တစ်စုံတရာကို ပိုင်ဆိုင်အုပ်စိုးဖို့ထက် အခုလို မထိမတို့ငေးကြည့်နေရတာလည်း သိမ်မွေ့နှစ်လိုဖွယ်အရသာတစ်မျိုးပါလို့ပြောရင် အတော်များများ နားလည်ချင်မှနားလည်မယ်။ ပင်လယ်လေတ၀ူးဝူးက မျက်နှာကိုလာရိုက်ပေမယ့်လည်း စိတ်အနှောက်အယှက်မဖြစ်တဲ့အပြင် အားရပါးရ ရယ်နေမိသေးတယ်။ မြင်ကွင်းထဲမှာ ကမ်းခြေတစ်လျှောက် အရိပ်မိုးတဲ့ရောင်စုံထီးတွေ၊ ဆိုင်ခန်းတွေ၊ လှေတွေ၊ လူတွေအားလုံးဟာ တစစသေးမွှားလာကြတယ်။ နီနာက သူရဲ့ဦးထုပ်အဖြူလေးကို ဝှေ့ယမ်းပြနေတာ မြင်နေရတယ်။ နောက်တစ်ခဏမှာတော့ သူတင်မက ဘယ်လူပုံရိပ်ကိုမှ သဲသဲကွဲကွဲ မမြင်နိုင်တော့ဘူး။
လှိုင်းတံပိုးဖွေးဖွေးနဲ့ ခမ်းနားတောက်ပနေတဲ့ပင်လယ်ပြာကို အပေါ်စီးမြင်ကွင်းကျယ်ကနေ တွေ့မြင်ရတဲ့အရသာဟာ ဘာနဲ့တူသလဲ။ ဖန်ခွက်ငယ်ရဲ့နှုတ်ခမ်းပေါ်က ဆားဖြူဖြူတွေကို လျှာဖျားနဲ့သိမ်းလျက်ရင်း သံပုရာသီးတစ်စိတ်စုပ်ယူလိုက်ရသလိုလား။ နီထွေးတဲ့နှုတ်ခမ်းအစုံကို ထိကပ်ဖိရှိုက်လိုက်ရသလိုလား။ ခြေတွဲလွဲချစီးရတဲ့ ရိုလာကိုစတာတစ်စင်းပေါ် ရောက်နေရသလိုလား။ ဘာသာစကားကို လက်ကုန်နှိုက်သုံးနိုင်သူတစ်ယောက်မဟုတ်လို့ လုံလောက်အောင် မတင်စားမဖွဲ့နွဲ့တတ်ဘူး။ ကျွန်တော့်အောက်မှာ ရေလွှာကိုထိုးခွဲပြီး ရှပ်ပြေးနေတဲ့ ဂျက်စကီးရေယာဉ်တွေနဲ့ ကနူးလှေတွေဟာ လက်တစ်ဝါးအရွယ်အစားထက် မပိုတော့ဘူး။ ဖြူဖွေးနေတဲ့ ပါတုန်သဲသောင်ပြင်တစ်လျှောက် အစက်အပြောက်ကလေးတွေအဖြစ်နဲ့ ပြည့်သိပ်နေတယ်။ ကြယ်တွေကိုရေတွက်သူတွေအကြောင်း ပြောတဲ့အခါ သူတို့ကို အရူးတွေအဖြစ် သတ်မှတ်မြင်ကြည့်ခဲ့ဖူးတယ်။ အဲဒီအရူးတွေသာ ဒီနေရာမှာဆို အောက်ကိုပြန်ငုံ့ကြည့်ပြီး လူသားအစက်အပြောက်တွေကို ပြန်ပြီးရေတွက်ဖို့ ကြိုးစားချင်ကြိုးစားနေကြမှာ။ ကျွန်တော်ကတော့ အဲဒီလောက်မမိုက်မဲလို့ ကမ်းခြေတစ်ခုတည်းကို တခုတ်တရ ငုံ့ကြည့်အာရုံစိုက်မနေအားဘူး။ တောင့်တနေခဲ့တဲ့အတိုင်း လေပေါ်ပျံဝဲနေရပြီပဲလေ။
မျက်စိစုံမှိတ်ပြီး မျက်နှာကိုခပ်ကြမ်းကြမ်းရိုက်တတ်တဲ့ ဆာနံ့သင်းသင်းပင်လယ်လေရဲ့ ထိတွေ့ကျီစယ်မှုကို ခံတယ်။ ကျွန်တော့်ဆီက အငွေ့အသက်စိမ်းစိမ်းကို မလိုလားဟန်နဲ့ တစ်ချက်တစ်ချက်မှာ ခပ်ပြင်းပြင်းဆောင့်တိုက်ပြီး ဟန်ချက်ပျက်အောင် ခြောက်လှန့်သေးတယ်။ အသည်းကွဲရောင်တောက်နေတဲ့ဆည်းဆာအောက်မှာ အပြောကျယ်တဲ့ပင်လယ်ပြင်က သူ့ရဲ့နက်ရှိုင်းလျှို့ဝှက်မှုတွေနဲ့ စိတ်ကိုညှို့ယူထားတယ်။ သူနဲ့ကျွန်တော်ကြားမှာ လေထုတံတိုင်းကာရံထားတာတောင်မှ သူ့ကို ပွတ်သပ်ထိတွေ့ကြည့်ပါလို့ ဖျားယောင်းနေသလိုမျိုးပဲ။ ရေကြောက်တတ်တဲ့ကျွန်တော်က ပင်လယ်ကိုတော့ချစ်ကြောင်းပြောရင် တော်တော်များများက နီနာရယ်သလိုမျိုး လှောင်သံစွက်တဲ့ဟန်နဲ့ ရယ်ကြလိမ့်ဦးမယ်။ ယော့ခ်ရှိုင်းယားဟိုတယ်ရဲ့ အသည်းပုံရေကူးကန်ထဲမှာ နီနာ ငါးကလေးတစ်ကောင်လို ပျော်ပါးကူးခတ်နေချိန်မှာ ကျွန်တော်က ကော့တေးတစ်ခွက် အရသာခံသောက်ရင်း ကြည့်ရုံပဲကြည့်နေဖြစ်တယ်။ ကိုယ် ရေထဲမှာရှိရတာကို သက်တောင့်သက်သာမဖြစ်ဘူး နီနာ။ ကျွန်တော်ဘာဆိုလိုသလဲဆိုတာ နားမလည်နိုင်မှန်း ၀ိုင်းစက်သွားတဲ့ သူ့မျက်လုံးတွေက သက်သေခံနေတယ်။ နောက်တစ်ရက်မှာ အနီးအနားက သန္တာကျောက်တန်းနဲ့ကျွန်းတွေဆီ သင်္ဘောခရီးစဉ်နဲ့အလည်အပတ်သွားကြဖို့ပြောတော့ ပိုလို့တောင် အံ့အားသင့်နေတော့တယ်။ ရေမကြိုက်ပေမယ့် ကိုယ် ပင်လယ်ကိုတော့ချစ်တယ်။ ပင်လယ်ကိုဖြတ်ပြီး ဒီလောက်လှပတဲ့ကျွန်းတွေဆီ လည်ပတ်နိုင်မယ့်အခွင့်အရေး လက်တစ်ကမ်းမှာရှိနေတာကို လက်မလွှတ်သင့်ဘူးမဟုတ်လား။ မိုးကုတ်စက်ဝိုင်းရဲ့တစ်ဖက်မှာ ဘာရှိသလဲ မျှော်ကြည့်မိတယ်။ မနေ့က ကျွန်တော်နဲ့နီနာတို့လည်ပတ်ခဲ့ကြတဲ့ ခိုင်ကျွန်းနဲ့ ပီပီကျွန်းတို့ ဒီပင်လယ်ပြာရဲ့အပြောကျယ်မှုတစ်နေရာထဲ တည်ရှိနေကြလိမ့်မယ်။ မကြာခင်ငုပ်လျှိုးတော့မယ့် ဆည်းဆာထဲမှာ လှလှပပ ငိုက်မြည်းနေကြလိမ့်မယ်ထင်တယ်။
လေထီးဟာ တုံ့ခနဲ ဖြစ်သွားတယ်။ ငုံ့ကြည့်လိုက်တော့ မော်တော်ဘုတ်ဟာ ဂငယ်ကွေ့နဲ့ နောက်ကြောင်းပြန်လှည့်ဖို့ကြိုးစားနေပြီ။ ကျွန်တော့်ရဲ့ပျံသန်းလွင့်မျောမှုဟာ အကန့်အသတ်ရှိကြောင်း သတိပေးလိုက်သလိုပဲ။ အဲဒီအခိုက်အတန့်မှာပဲ တစ်လျှောက်လုံးမှာ မေ့လျော့အမှတ်မဲ့နေခဲ့တဲ့ တစ်စုံတရာကို သတိထားမိသွားတယ်။ ကြိုးတွေ၊ ကြိုးတွေဟာ ကျွန်တော့်တစ်ကိုယ်လုံးကို ခပ်ကြမ်းကြမ်း ရစ်ပတ်တုပ်နှောင်ချည်လို့။ လက်နှစ်ဖက်ကလည်း ကြိုးတွေကိုဆုပ်ကိုင်ထားရတဲ့အတွက် စိတ်ရှိသလို လွတ်လပ်လှုပ်ရှားခွင့် ကန့်သတ်ခံထားရတယ်။ ခါးကနေဖြတ်ပြီးချည်တုပ်ထားတဲ့ကြိုးကြောင့် ကျွန်တော်ဟာ ရှေ့ကိုသော်လည်းကောင်း နောက်ကိုသော်လည်းကောင်း တွန်းခါရွေ့လျားလို့မရနိုင်ဘူး။ ဘေးဘီဝဲယာကို သို့မဟုတ် နောက်ကျောကို ပြန်လှည့်ကြည့်ဖို့ ကြိုးစားတိုင်းလည်း ကြိုးတွေက အဲဒီလိုမလုပ်နိုင်ဖို့ တားမြစ်နေကြတယ်။ နေပါဦး ဘယ်မှာလဲ လှုပ်ရှားလွတ်လပ်ခွင့်၊ ဘယ်မှာလဲ ဦးတည်ရာရွေ့လျားလွင့်မျောခွင့်၊ ဘယ်မှာလဲ ကိုယ့်ရဲ့အခိုက်အတန့်ဖြစ်တည်မှုကို လက်ထဲမှာဆုပ်ကိုင်အသုံးချနိုင်ခွင့်။ တစ်လျှောက်လုံးမှာ ကျွန်တော်ဟာ ကြိုးတွေကိုမေ့လျော့ပြီး တဒင်္ဂခဏငယ်တွေမှာ သာယာမိန်းမောနေခဲ့တာပဲ။ တစ်စုံတစ်ယောက်က ကျွန်တော့်ကို တစ်စုံတစ်ခုပြောလာတော့မှာလည်း သိရှိခံစားနေရတယ်။ ကျွန်တော့်ရဲ့လက်ရှိဖြစ်တည်မှုသည် ဒီကြိုးတွေကြောင့်ပဲ စတင်လာတာမဟုတ်လား။ ကြိုးတွေကြောင့်မဟုတ်ခဲ့ရင် ကျွန်တော် ဒီအချိန် ဒီနေရာမှာ ရောက်နေနိုင်ပါ့မလား။ လက်တံတွေလို ဆွဲမယူလိုက်တဲ့ ကြိုးတွေကြောင့်ပဲ ပိုမိုပြန့်ပြူးတဲ့ ရှုမြင်ကွင်းတစ်ခုဆီ ငေးမောမျှော်ကြည့်ခွင့်ရလာတာ မဟုတ်လား။ ကိုယ့်ကိုယ်ကိုမေးတယ်။ ဒါပေမယ့် နှုတ်ခမ်းတွေက လူသေလိုပဲ၊ ဘာမှ ပွင့်ဟမလာဘူး။ ကျွန်တော့်မှာ ငြင်းပယ်နိုင်စွမ်းမရှိဘူးဆိုတာ သိလာခဲ့ရတယ်။ သို့သော် အဲဒီကြိုးတွေကြောင့် ကျွန်တော်မပျော်မရွှင်ဖြစ်ခဲ့ရတာလည်း သေချာတယ်။
ပျော်ရွှင်မှုဟာ လျှပ်စစ်ဓါတ်နဲ့ထိတို့မိတဲ့ ပိုးမွှားတွေလို တဖြုတ်ဖြုတ်ကြွေကျသေဆုံးတယ်။ ကိုယ်ထည်အခွံကိုဖြစ်ဖြစ် လိုက်လံကောက်ယူလို့ရနေသေးတာ သိပေမယ့် ကျောခိုင်းထားမိတယ်။ ကျွန်တော့်အတွေးမှာ ရှုခင်းတွေ၊ ဆည်းဆာတွေ၊ ပင်လယ်တွေ ဘာဆိုဘာမှမရှိတော့ဘဲ တင်းကြပ်ဖောင်းကားနေတဲ့ လေပူဖောင်းတစ်လုံးကို လေဖြေလျှော့လိုက်သလိုမျိုးပဲ။ ဟိုးအဝေးက စိမ်းပြပြတောင်စွယ်တွေကို ငေးမောကြည့်နေမိတယ်။ သိပ်မကြာခင် အစစအရာရာ ခမ်းခြောက်ကုန်တော့မယ်။ ကြိုးတွေဟာ ဘယ်ကနေ စတင်တည်ရှိလာသလဲ။ ကြိုးတွေကို ဘယ်သူတီထွင်လိုက်သလဲ။ ရစ်ပတ်တုပ်နှောင်ခွင့်ဟာ ကျွန်တော့်ဆီကခွင့်ပြုချက်လား ရှောင်လွှဲလို့မရတဲ့ ပရမတ်တရားတစ်ခုလား။ ကြိုးတွေဟာ ကျွန်တော့်ကိုအမြင့်တစ်နေရာဆီ တွန်းတင်ဖို့လား၊ ဒါမှမဟုတ် ကန့်သတ်ချုပ်ချယ်ထားဖို့လား။ ကြိုးတွေကို မျက်နှာလွှဲထားလိုက်ရင် ဘာဖြစ်နိုင်မလဲ၊ ဒါမှမဟုတ် တစ်ချောင်းမကျန်ဖြတ်ပစ်လိုက်ရင်ရော နောက်ဆက်တွဲက ဘာဖြစ်နိုင်မလဲ။
ကြယ်တွေကိုရေတွက်သူဟာ အရူးလို့ပြောခဲ့တဲ့လူတစ်ယောက် ကြိုးတွေနဲ့ရှုပ်ထွေးနေတဲ့အဖြစ်ကိုမြင်ရင် သူ့ကိုရည်ညွှန်းသတ်မှတ်နိုင်မယ့် အဲဒီထက်ပြင်းထန်တဲ့စကားလုံးတစ်လုံးလောက် ရှာပေးပါ။
သဲသောင်ပြင်ကို မြင်နေရပြီ။ ကနူးလှေတစ်စီးပေါ်က လူဖြူစုံတွဲကိုမြင်နေရပြီ။ ကွေးညွတ်နေတဲ့အုန်းပင်တွေနဲ့ အကိုင်းအလက်တွေကို မြင်နေရပြီ။ အပေါ်ပိုင်းဝတ်တစ်စလစ်နေစာလှုံသူတစ်ချို့ကို မြင်နေရပြီ။ သဲပြင်ထဲမှာတစ်ခြမ်းမြုပ်နေတဲ့ ရှန်ပိန်ပုလင်းခွံလွတ်တစ်လုံးကို မြင်နေရပြီ။ ဦးထုပ်အဖြူလေးကို ဝှေ့ရမ်းပြနေတဲ့ နီနာ့ကို မြင်နေရပြီ။
ကျွန်တော့်ကိုယ်ကျွန်တော်တော့ မမြင်ရသေးဘူး။ ။
တည်တံ့ (G.B.K)
၁၂ ဖေဖော်ဝါရီ ၂၀၁၃
No comments:
Post a Comment