လူနှင့်ငြိမ်းချမ်းမှု (မောနွေ)

သူသည် ဆိုင်သို့နောက်ဆုံးမှ ရောက်လာသော ခရီးသည်ဖြစ်သည်။သူ့အရင်က ခရီးသည်များနှင့်မတူ။ ဆိုင်ကိုလည်း ဆိုင်ဟု
သူက သိပုံမရ။ လူနေ့သည် နေရာတစ်ခုဖြစ်၍ တည်းခိုလို့ရမလာဆိုပြီး မေးခြင်းဖြစ်သည်။

“ဒီနေရာမှာ ဦးဇင်းရက်အနည်းငယ်လောက် တည်းခိုလို့ရမလား ဒကာ”

စောင်းကြိုးကို လေတိုး၍ ထွက်ပေါ်လာသော အသံပမာဏလောက်ဖြင့် သူကမေးသည်။ သူ့ထံတွင် ယခင့်ယခင် ခရီးသည်
များကဲ့သို့ အထုပ်များစွာမတွေ့ရပါ။ အထုပ်ငယ်တစ်ခုသာ ပါသည်။ ဆိုင်ရှင်က မေးကြည့်သောအခါ

“သင်္ကန်းနဲ့ လိုအပ်တာတချို့ရယ်ပါ” ဟု တိုးညှင်းစွာ ပြန်ဖြေသည်။ နောက်ရက်အနည်းငယ် ကြာသောအခါ
ဆိုင်မှ သူ
ထွက်ခွာသွားသည်။ယခုချိန်ထိ သူ့ကို ပြန်မတွေ့ရတော့ပါ။ နှစ်အတန်ငယ်ပင် ကြာခဲ့ပါပြီလေ။

------------------------------------------------------------------------------------------------------------------------------

“အရှင်ဘုရားက ထေရဝါဒလား။ မဟာယာနလား ဘုရား”
“ထေရဝါဒ ပါ”
“သြော်… တပည့်တော် တစ်ခုလောက် မေချင်လို့ဘုရား”
“သိရင် ပြောပြပေးပါ့မယ်”
“အရာအားလုံးဟာ မမြဲဘူးလို့ ပြောကြတယ်။ ဒါဆို နိဗ္ဗာန်ကကော မြဲသလားဘုရား။ အရာအားလုံက မမြဲဘူးဆိုပြီး
နိဗ္ဗာန်က မြဲတယ်ဆိုရင် ဟုတ်ပါ့မလားဘုရား။”

သူဘာမှ ပြန်မဖြေသေးပါ။ ခေတ္တတိတ်ဆိတ် နေသေးသည်။ ထို့နောက်မှ ငြင်သာသော သံနေသံထားဖြင့်

“ဒကာက ယုတ္တိဗေဒ ကျကျ အဖြေမျိုးကို လိုချင်ပုံရတယ်။
ဘယ်အရာမှ မမြဲဘူး ဒကာ။ ဒါကြောင့် “မမြဲခြင်း” တရားကိုက မမြဲဘူး။
အဲဒီအတွက် “မမြဲခြင်း” မှာလည်း ခြွှင်းချက်တွေ ရှိလာပြီး “မြဲခြင်း” ဆိုတာ ရှိလာတယ်။
“တည်မြဲနေသော” ဆိုတာ ရှိနေပြန်တယ်။ ဒါဟာ မြတ်နိဗ္ဗာန် ပေါ့ ဒကာ”

“…..”

သူဘာမှ ဆက်မမိန့်တော့။ ဆိုင်ရှင် ကပ်သော နေ့ဆွမ်းကို ဘုဉ်းပေးပြီး ဆုပေးသည်။
သူသည် အလွန်တည်ငြိမ်လှသည်။ ကျက်သရေဆိုတာ ဒါကိုခေါ်တာပဲ ဖြစ်လိမ့်မည်။

“အရှင်ဘုရား။ အရှင်ဘုရားဟာ အရမ်တည်ငြိမ်တာပဲ ဘုရား။ တပည့်တော် တွေ့ဖူးတဲ့ရဟန်းတွေနဲ့လည်း မတူဘူး”
သူဘာမှ ပြန်မဖြေပါ။
“အရှင်ဘုရားတို့ စောင့်ထိန်းရတဲ့ ဝတ်နည်းပေါင်း ဘယ်လောက်ရှိပါသလဲ ဘုရား။”
“အကျဉ်း ၂၂၇ ပုဒ်ရှိပြီး အကျယ်က ကုဋေ ကိုးထောင် ကျော်ရှိပါတယ်။”
“ဒါဟာ ဖြစ်နိုင်ပါ့မလား ဘုရား”
“မဖြစ်နိုင်ပါဘူး။ မြင့်မြတ်တဲ့ရဟန်းစစ်စစ်တစ်ပါး မဖြစ်မချင်း
ဝတ်နည်းပေါင်း ကုဋေကိုးထောင်ကျော်ရှိတယ်ဆိုတာကို လိုက်နာ၊ယုံကြည်ဖို့ဆိုတာ မဖြစ်နိုင်ပါဘူး”

----------------------------------------------------------------------------------------------------------------------

“တပည့်တော်က ဒီမှာ ညအိပ်တည်းခိုလို့ရတဲ့ ဆိုင်ဖွင့်ထားတာ ဘုရား”

သူကဘာမှပြန်မပြောပါ။ အံ့သြသည့်အမူအရာလည်း မတွေ့ရ။ မျက်လွှာကိုအသာအယာချထား၏။

“တပည့်တော်ဆီကို လူမျိုးစုံလာတယ် ဘုရား။ လူမျိုးစုံနဲ့ တွေ့ဖူးတယ်။”

သူငြိမ်သက်နေဆဲ။

“တစ်ခါက လူတစ်ယောက်ရောက်လာဖူးတယ်။ သူက သိပ္ပံပညာရှင်တဲ့။ ကံတရားကိုတိုင်းတဲ့စက်ကို ထွင်မလို့တဲ့ဘုရား။
လူဆိုတာ ကံကောင်းတာရော၊ ကံဆိုးတာပါ ရှိနေမှာပဲတဲ့။ ကံဆိုတာက တစ်ချိန်မဟုတ် တစ်ချိန်မှာတော့ ကောင်းမှာပဲတဲ့။
ကံကောင်းတဲ့အချိန်ကို သိရရင် ကိုယ်လုပ်ချင်တာတွေကို ကံကောင်းတဲ့အချိန်မှာ အေးအေးဆေးဆေး လုပ်လိုက်ရုံပဲတဲ့
ဘုရား။သူက သူအဲဒီအခါကျရင် သူလုပ်တာကို လူတွေကအကောင်းပြောလာကြလိမ့်မယ်တဲ့”

“သူက ကောင်းတာလုပ်ချင်တာလား။ သူလုပ်တာတွေကို အကောင်းပြောခံချင်တာလားကွယ်”

ဆိုင်ရှင်က ဘာမှပြန်မဖြေဖြစ်ပါ။ သူလည်း ဘာမှ ဆက်မပြောတော့ဘဲ အေးငြိမ်းသော သစ်ရိပ်တစ်ခုတွင် တရားသွားမှတ်
နေသည်။

---------------------------------------------------------------------------------------------------------------------------------

နောက်တစ်နေ့တွင် ဆိုင်သို့ ခရီးသည်တစ်ယောက် ထပ်မံရောက်လာသည်။ ဆိုင်တွင် တစ်ညတည်းခိုလိုကြောင်းကိုလည်း
ပြောသည်။ ထိုခရီးသည်သည် ပန်းချီဆရာတစ်ယောက်ဖြစ်သည်။

ပန်းချီဆရာသည်လည်း တည်ငြိမ်လှသည်။ သို့သော် သူ၏ တည်ငြိမ်နေခြင်းမျိုးနှင့် မတူပါ။ သူသည် အေးလင်းကြည်မြ
နေသော ရေသီတာ၏ တည်ငြိမ်ခြင်းမျိုးဖြစ်ပြီး ပန်းချီဆရာ၏ တည်ငြိမ်ခြင်းမျိုးက မုန်းတိုင်းတစ်ခု၏ အသွင်အနှစ်သာရကို ကျစ်လစ်
ချွန်မြနေအောင် စုစည်းထားသော လေ၏ တည်ငြိမ်ခြင်းမျိုးဖြစ်သည်။ပန်းချီဆရာသည် သူ့အားတွေ့သောအခါ ရှိခိုးလေ၏။

ပန်းချိဆရာသည် နောက်တစ်နေ့နံနက်စောစောတွင် ဆိုင်ရှင်အား နှုတ်ဆက်သည်။ သူရှေ့လျှောက်ဆက်သွားရမည့်
ခရီးကို ပြင်ဆင်နေပြီ။သူ့အား ထပ်မံရှိခိုးနှုတ်ဆက်လေသည်။

ထို့နောက် ပန်းချီဆရာသည် ပန်းချီးကားတစ်ကားကို ရေးဆွဲနေသည်။ ပန်းချီကား မှာ ရွှေတုံးရွှေခဲများ စုပုံထားသော
အပုံကြီးတစ်ခုပုံဖြစ်သည်။ ထိုရွှေပုံကြီး၏ နောက်တွင် အရိပ်ကျနေသည်။ အရိပ်မှာ လူနှစ်ဦး ထိုးကြိတ်သတ်ပုတ်နေသော
သဏန်ဖြစ်သည်။အရိပ်ကို ရွှေပုံကြီးကို ဖောက်၍မြင်နေရသည်။ အရိပ်နှင့်ရွှေပုံကြီး၏ နောက်တွင် သွေစွန်းနေသည်ဟု ဖော်ပြလိုသော
အနီရောင်ဆေးဖြင့် ခြယ်ထားသော ချောင်းတစ်ခုကိုရေးဆွဲထားသည်။ထိုချောင်းကိုလည်း ရွှေပုံကြီးနှင့် အရိပ်ကို ဖောက်၍မြင်နေရသည်။
သုံးခုလုံးမှာ တစ်ခုနှင့်တစ်ခု ကွယ်မနေဘဲ အားလုံးကို ဖောက်၍မြင်နေရသည်။

“ပုံက ထူးတော့ထူးဆန်းတယ်ဗျ။ ဘာအမျိုးအစားလဲ”

သိပ်နားမလည်သော်လည်း ဆိုင်ရှင်က အပြုံးဖြင့် မေးလိုက်သည်။ပန်းချီဆရာက

“ကျွန်တော်ကိုယ်တိုင်တောင် စိတ်ထဲမှာ သေသေချာချာ မသိပါဘူး။နာမည်ပေးချင်ရင်တော့ ဘောင်မဲ့စိတ် အမျိုးအစားလို့ပဲ
ပေးလိုက်ပါတော့။ ဒါမှမဟုတ်လည်း ခင်ဗျားကြိုက်တဲ့ အမျိုးအစားတစ်ခုခု သတ်မှတ်လိုက်ပါ။”

ပန်းချီဆရာက သူ့ဘက်ကို လှည့်၍

“ အရှင်ဘုရားကို တပည့်တော် ဒီပန်းချီကား လှူပါရစေဘုရား”

သူက လက်ခံသည်။ ထို့နောက်

“ဒကာကြီးကို ဦးဇင်းလည်း လက်ဆောင်ပြန်ပေးချင်ပါတယ်။”

ဟု ပြောပြီး ပုံတစ်ပုံကိုရေးဆွဲ၏။

“ဟင် … ဒါက အပေါင်းလက္ခဏာသင်္ကေတ ပဲ ဘုရား”

သူက ဆိုင်ရှင်ကို ဘာမှ ပြန်မပြောဘဲ ထိုပုံကို ဖြည့်စွက်၍ ပန်းချီဆရာအား ပေးလိုက်သည်။နောက်ထပ် အပေါင်း
လက္ခဏာပုံချည်းသီးသန့်ပါသော တစ်ပုံကိုလည်း ထပ်မံ၍ ပေးပြန်သည်။ ပန်းချီဆရာက

“တင်ပါ့ဘုရား။ ကျေးဇူးတင်ပါတယ်။ တပည့်တော် ကြိုးစားပါ့မယ်ဘုရား။ ခုလောလောဆယ်တော့ အနုပညာဆိုတာကို
မစွန့်လွှတ်နိုင်သေးဘူးဘုရား”

ထို့နောက် ပန်းချီဆရာသည် ထွက်သွားတော့သည်။

-----------------------------------------------------------------------------------------------------------------------------------

“ဦးဇင်းလည်း ဒီနေ့ ခရီးဆက်တော့မယ် ဒကာ”

“တင်ပါ့ဘုရား”

သူက သူ့တွင်ပါသော အထုပ်ငယ်ကို ကိုင်ရင်း နှုတ်ဆက်သည်။

“တစ်ခါက ဇင် ဘာသာဝင် ရဟန်းနှစ်ပါးရှိတယ်။ သူတို့ဟာ တောတစ်ခုအတွင်းက သစ်ငုတ်တို နှစ်ခုမှာ တစ်ခုစီ ထိုင်ပြီး
တရားမှတ်နေကြတယ်။ အဲဒီအချိန်မှာပဲ တောနက်ထဲကနေ ကျားဟိန်းသံတစ်ခု ထွက်လာတယ်။အဲဒီအခါမှ ပထမ ရဟန်းက ကြောက်
လန့်တုန်လှုပ်သွားတယ်။ တရားကိုတောင် ဆက်မမှတ်နိုင်တော့ဘူး။ အဲဒီတော့ နောက်တစ်ပါးက ဘာလို့ကြောက်နေတာလဲလို့မေးတော့
သူက ကျားဟိန်းသံကိုကြားတော့ ကြောက်တာပေါ့လို့ ပြောတယ်။ ဒီအခါမှာမေးတဲ့ရဟန်းက ကျားဟိန်းသံကို ကြားတာပဲ။ ဘာကြောက်
စရာ လိုလို့လဲလို့ မေးတယ်။ ကျားဟိန်းသံကိုယ့်ဆီ ရောက်လာတာဟာ တကယ့်ကျားအစစ်ရောက်လာတာမှ မဟုတ်တာလို့လည်း
ပြောတယ်။ အဲဒီနောက် သူတို့နှစ်ပါး တရားဆက်မှတ်နေကြတယ်။”

“တင်ပါ့ဘုရား”

“ခဏနေတော့ ခုနက ကျားဟိန်းသံကို မကြောက်ဖို့ ပြောတဲ့ ရဟန်းက ခြုံတစ်ခုအတွင်းမှာ အပေါ့သွားစွန့်တယ်။ အပေါ့စွန့်ပြီး
ပြန်လာတဲ့အခါ သူတရားမှတ်နေတဲ့ သစ်ငုတ်ပေါ်မှာ “ဗုဒ” လို့ ရေးထားတာကို တွေ့လိုက်ရတယ်။ သူထိုင်ရမှာလည်း တွန့်သွားတယ်။ အဲဒါကြောင့်သူက သူ့တရားမှတ်တဲ့သစ်ငုတ်ပေါ်မှာ ဗုဒ လို့ ရေးလိုက်လားလို့ ဘေးက ရဟန်းကိုမေးလိုက်တယ်။အဲဒီတော့ ဟိုရဟန်း
ကလည်း ဟုတ်တယ်။ သူရေးလိုက်တာလို့ ပြန်ဖြေတယ်။ အဲဒီတော့ ဘာလို့ရေးလိုက်တာလဲ တပည့်သစ်ငုတ်ပေါ်မှာဒီလိုရေးတော့
တပည့်တော့ ဘယ်လိုထိုင်ရတော့မလဲလို့ မေးလိုက်တယ်။ဒီအခါကျတော့မှ ရဟန်းက ဒါက မြေဖြူနဲ့ရေးထားတဲ့စာလေးတစ်လုံးပဲ
တကယ် ဗုဒ္ဓ မဟုတ်ပါဘူး။ အရှင်ဘုရားက မြေဖြူလေးပေါ်ပဲ ဖင်ထိုင်ရမှာပါ။ တကယ့်ဗုဒ္ဒပေါ်မှာ ဖင်ထိုင်ရမှာ မဟုတ်ပါဘူးလို့။
ပြန်ဖြေလိုက်တယ်။”္ဓ္ဓ

အာရုံထဲမှာ ထုံခနဲဖြစ်သွားသည်။ တင်ပါ့ဘုရားကို စိတ်ထဲမှ ပြောထွက်မိသည်။

သူ ဆိုင်ဝသော ရောက်သောအခါ ဆိုင်ရှင်က

“အရှင်ဘုရား ပန်းချီဆရာကို ပေးလိုက်တဲ့ အပေါင်းလက္ခဏာပုံနဲ့ အဲဒီအပေါင်းလက္ခဏာကို ကြက်ခြေခတ်ထားတဲ့ ပုံက ဘာအဓိပာယ်များလဲဘုရား”

“အပေါင်းလက္ခဏာ သင်္ကေတ က အဆုံးသတ်ခြင်းကို ကိုယ်စားပြုတယ်။ တစ်နည်းအားဖြင့်လည်း သေခြင်းကို
ကိုယ်စားပြုတယ်။ အဲဒါကို ကြက်ခြေခတ်ထားတာ ဆိုတော့ သေခြင်းကို ငြင်းဆန်တာပေါ့၊ သေခြင်းမရှိဘူးပေါ့။ နောက်ပြီး အပေါင်းလက္ခဏာချည်း သီးသန့်ကလည်း အဆုံးသတ်ပြီဆိုတဲ့သဘောကို ပြောလိုတာပေါ့။ အဲဒီနှစ်ခုဟာ မြတ်နိဗ္ဗာန်ကို
ရည်ညွှန်းလိုတာပေါ့ ဒကာ”

အို… ဒုတိယအကြိမ်ထပ်မံလင်းထိန်သွားခြင်းမျိုးဖြစ်သည်။ ဘုံအဆင့်ဆင့်မှ နတ်တို့၏ ကချေသည်၊ နတ်တို့၏ သီချင်းသည်
သာယာသော ကြေးစည်ဆည်းလည်းများ၏ အသံကိုကြားလိုက်ရသလို… တရားဓမ္မ၏ မွှေးပျံ့သောရနံ့ဖြူဖြူကိုပင် ရှူရှိုက်မိလိုက်သလို…

မိမိရုပ်ထဲသို့ စိတ်လိပ်ပြာ ပြန်လည် စိမ့်ဝင်ရောက်လာ၍ သတိရှိမိချိန်တွင် အဝေး၌ တရွေ့ရွေ့ဆက်လက်ခရီးဆက်နေသော
သူ၏ မွန်မြတ်သော ရဟန်းပုံရိပ်ကို ကြည်ညိုစဖွယ် ဖူးမြင်လိုက်ရသည်။



မောနွေ

၆၊ ဇူလိုင်၊ ၂၀၁၁

၀၃း၄၅ (အာရုဏ်တက်)

ဤစာစုဖြင့် မြတ်သော သာသနာအား ပူဇော်ကန်တော့ပါသည်။

P.S - The cross with equal arms is found often with various meanings. In some systems, this symbol means death, end and beginning on inscriptions on coins.