ထိုနေ့က စနေနေ့ မဟုတ်ပါ ။ ကတ္တရာလမ်း ခပ်မဲမဲတွေ ဆုံတာပါပဲ ။
တိတိကျကျပြောရရင် လမ်းဆုံ လမ်းခွတစ်ခု ၊ စိတ်ကူးယဉ်ဆန်ဆန်
သစ်ရွက်ခြောက်တွေလဲ လွင့်ဝဲပြီးကျမလာသလို ဘယ်လို ပရောဂ မျိုးမှလဲ
မတားဆီးနှိုင်တော့ဘူး ။ အပေါင်းအသင်းတစ်ချို့နဲ့ ညနေခင်းမှာ စကားလုံးတွေ
ခင်းလျှောက်နေတုန်း ။ အမှတ်မထင် လူငယ့်ဘ၀နာကျင်မှု့လေးကို
လ္ဘက်ရည်ဆိုင်ထဲမှာ ပြန်ရှာတွေ့သည်။ ထမင်းလုံး တစ္ဆေအခြောက်ခံရသလိုပါပဲ
အမြင့်ကြီးကနေ အတွယ်အတာမဲ့ ဟင်းလင်းပြင်တွင်းနက်နက်ကြီးထဲ အေးစက်စက်အတွေ့
ပြီးမြောက်သွားတဲ့ မွှေးညှင်းတွေကြားက စိတ်အရသာ ။ တစ်ချို့ကိစ္စတွေက
ယုတ္တိရှိနေဖို့မှ မလိုပဲ မကြည်ဖြူ ။ နည်းပညာတိုးတက်မှု့ဟာ ၀ဋ်နာ
ကံနာပဲဖြစ်လိမ့်မယ် ။ ကိုယ်နဲ့ ကိုယ့်ပတ်ဝန်းကျင်မှာ တိမ်ထူထပ်ပါစေ ။
မျက်မှောက်ခေတ်
လူငယ်တစ်ယောက်ရဲ့ အရေခွံဟာ ဖာရာ ချုပ်ရာ ဗရပွပဲ ။ ကိုယ်က
၂၀၀၆ ခုနှစ်ကို ပြန်ရောက်သွားသလို ခံစားမိခဲ့ ။ နုတ်ခမ်းပေါ်မှာ နုတ်ဗွေရာက
ရေးရေးပဲ ကျန်တော့တယ် ။ မျှော်လင့်နေတဲ့ အပြောင်းအလဲဟာ
ကျနော့်စိတ်ပိုင်းဆိုင်ရာ လိုအပ်မှု့လား ၊ မကြည်ဖြူ ၊ ဖက်ဖူးရောင် ၊ ဇ
င်မိုး ၊ သုံးခွမြို့ ၊ ၀၉-၄၂၅… ၊ လ္ဘက်ရည်ဆိုင် ယဉ်ကျေးမှု့ ၊ ၁၉ - လမ်း ၊
မာကျူရီ မီးရောင်များ ၊ ည စသည်ဖြင့် တစ်ခုခုလို့ သတ်မှတ်ပစ်လိုက်ရင်ရော
အဆင်ပြေပါ့မလား ။ နာကျင်မှု့အာရုံခံ နာဗ့်ကြောလေးတွေကိုရော
လက်သည်းဝါ၀ါလေးတွေနဲ့ ကုပ်ပစ်လိုက်မိသလား ။ ရိုးသားမှု့ကလွဲရင် ကိုယ့်မှာ
ဘာမှ မရှိပါဘူး အဲ့အတွက် ကျနော့်ကို ဆူပါ ။ ဘုံစကားလုံးတစ်ချို့ကို ကျနော်
မကြည်ဖြူအတွက် မသုံးဖြစ်ခဲ့ဘူး ။ ဘာသာဗေဒရဲ့ အသိမ်မွေ့ဆုံး ကူးလူးမှု့
စာသားချည်းသက်သက်မကတဲ့ အခြေအနေ စသည်ဖြင့်ပေါ့ ။ ဖန်သားပြင်ပေါ်တွင် ရုပ်သေ
အပြုံးရှင်ကလေး ရှိနေသည် ။ အသက်အောင့်ပြီး Text Msgs တွေကို သွေးကြောထဲ
ထိုးသွင်းပစ်လိုက်သည် ။ လျှပ်စစ်မျှင်တန်းတွေကြားက အသံမော်လီကျူးများ
ကျနော့်လူငယ်ဘ၀ နာကျင်မှု့ကို ရှော့ခ် ရိုက်ပစ်ပေးပါ ။ သောကြာ ၊ တနင်္ဂနွေ
စသည်ဖြင့် တိုက်ဆိုင်မှု့ရှိတိုင်း Message ပို့ပါ ။ ကားနောက်ကြည့်မှန်ကနေ
ခိုးကြည့်နေမိရင် မသိဟန်ဆောင်ပြီး အိပ်နေပေးပါ ။ လ္ဘက်ရည်တိုက်ပါ ။
လောလီပေါ့ ကလေးတွေ ၀ယ်ကျွေးပါ ။ ကျန်းမာရေး ဂရုစိုက်ပြီး
ဆေးမှန်မှန်သောက်ဖို့ သတိပေးပါ ။ ကျွန်တော်ဆိုတဲ့ နာမ်စားကို မကြာမကြာ
သုံးပါ ။ နောက်ပြီး”ဗျာ”ဆိုတဲ့ အသံနဲ့အတူ ကျနော့်ကို ခေါက်သိမ်းသွားပေးပါ ။
စွယ်တော်ရွက်တွေကို အယုံအကြည်မရှိတော့ဘူး ။ အဝေးပြေးကားကြီးတွေနဲ့
သူတောင်းစားတွေ မြင်ရင် အလိုလို ၀မ်းနည်းလာမိတယ် ။ ကျနော်ကြောက်တယ်
မကြည်ဖြူ ကျနော့်ကို ပစ်မထားပါနဲ့ ။ လောလီပေါ့ ကလေးတွေ
အများကြီးစားချင်မိတယ် ။ တစ်ယောက်ယောက်ကို တစ်ခုခုပြောပြချင်နေတဲ့ ကျနော့်
ပါးစပ်ဟာ လူ့အဖွဲ့အစည်းရဲ့ သတ်မှတ်ချက် အာစေးတွေနဲ့ပြည့်လို့ ။
ကျားပုံလေးတော့ဆွဲပေးခဲ့ပါတယ် မကြည်ဖြူ ။ စိတ်ရော ကိုယ်ပါ မကျန်းမာခဲ့ပါဘူး
။ ၁၇ ရက်နေ့ စိတ်ပြေလက်ပျောက် ကျနော့်ကို ခဏခဏ သတ်နေပါလား ။
စိတ်ပိုင်းဆိုင်ရာ လုံခြုံမှု့ နည်းနည်းလောက် အလိုရှိနေပါတယ် ။ နာကျင်မှု့
သက်သက်ကိုပဲ ပေးပါ ။ ဖိုင်ဘာ ဆက်ကြောင်းတွေပေါ်က နေရာလွတ်ကလေးမှာ
မကြည်ဖြူနဲ့ ကျနော် “ ကြားရလား မကြည်ဖြူ ” ဟုတ်တယ် ကျနော်တို့
တယ်လီဖုန်းပြောနေကြတာ မဟုတ်ဘူး တစ်ယောက်အသက်ကို တစ်ယောက်ကို နည်းနည်းစီ
ဖဲ့ပေးနေကြတာလေ ။ နာကျင်မှု့လက်ကျန် အတော် နည်းနေပြီ ။ စက်တင်ဘာလရဲ့
ပထမဦးဆုံးနေ့ ။ မကြည်ဖြူ ရဲ့ မွေးနေ့လက်ဆောင် - လက်ဆောင် ။ အဲ့ဒီ
ဘာသာဗေဒကို သွေရိုးသားရိုး အမှန်တကယ် ကျနော်လိုအပ်နေခဲ့တာပါ ။ အခုချိန်အထိ
လိပ်ပြာသန့်နေတုန်းပဲ ။ စိတ်ပိုင်းဆိုင်ရာ အထူးပြုလုပ်ချက်တွေနဲ့
တစ်ယောက်အသက်ကို တစ်ယောက် ညင်ညင်သာသာဖဲ့ယူကြတာပေါ့ ။ ချောက်တွေက
ဘယ်လောက်နက်နက် မရက်စက်ပါဘူး ။ ကိုယ်က အဲ့လိုယူဆမယ် ။ ခင်ဗျားဟာ
ကျုပ်ခုန်ဆင်းချင်တဲ့ ချောက်လှလှကလေးပဲ မကြည်ဖြူ ။ မရယ်ပါနဲ့လား ။
ဗိုက်ထဲမှာ ဟန်းဖုန်းတစ်လုံးရှိနေသလိုပဲ ။ကျနော့်ကိုယ် ကျနော်
တည်ဆောက်ကြည့်မိသည် ။ လှုပ်လို့မရ အပေါ်ယံအသားနုလေးက အရမ်းနာတာပဲ
မကြည်ဖြူရဲ့ ။ အပြောင်းအလဲ တစ်ခုနဲ့ နေသားမကျသေးဘူး ။ ထားလိုက်ပါတော့
ကျနော်ဟာ အဲ့ရောဂါဖြစ်နေတာကို မသိခဲ့ဖူးလို့ပဲ ။ နောက်ပြီး ဘာသာစကားကိုလဲ
အယုံအကြည်လျှော့လာပြီ ။ ကျနော်တို့ရဲ့ ပတ်သတ်ဆက်နွယ်မှု့မှာ ဘာသာစကားဟာ
အပို သက်သက်ပဲ ။ တစ်စုံတစ်ခုကို လက်ခံထားဖို့ ပြင်ဆင်ထားပေးပါ ။
ကော်ဖီတစ်ခွက်နဲ့ ကျနော်ဟာ နီးသွားလိုက် ဝေးလာလိုက်နဲ့ အဆင်မပြေသေးဘူး ။ ၁၆
လမ်း ၊ တာမွေ ၊ သုံးခွ တစ်နေရာရာမှာ ကျနော့်ကို ဖြည်ချပစ်လိုက်ပါလား ။
တစ်ခုခုဆို သိပ်မစဉ်းစားပဲ ရှက်ပါ ။ စိတ်အတွင်းသားထဲအထိ နာကျင်ရပါတယ် ။
ရှင်သန်မှု့ကို နားလည်ရင် ခင်ဗျားဘယ်တော့မှ မသေဆုံးတော့ဘူးလို့
ကိုယ်ပြောမည် ။ ကျနော့်နားကို တိုးကပ်မလာပါနဲ့ မကြည်ဖြူ ခင်ဗျားကို ကျနော်
သေချာမမြင်ရတော့ဘူး ။ ကိုယ်ဘာလုပ်နေလဲဆိုတဲ့ ကိုယ့်စိတ်ပိုင်းဆိုင်ရာ
ဖြစ်တည်မှု့ကို ကိုယ့်လောက် ဘယ်သူသိမလဲ ။ ကျနော် လိပ်ပြာသန့်နေတုန်းပဲ
မကြည်ဖြူ ။ လူငယ်ဘ၀ အနံ့အသက်တွေနဲ့ ဆုတောင်းခဲ့မိ “ မိမိစိတ်ခံစားမှု့ကို
လိမ်လည်မိသောကိုယ် မဖြစ်ရပါစေလို၏ ” လို့ပေါ့ ။ သေချာတယ် ခင်ဗျားတို့လဲ
ဘယ်တော့မှ မကြည်ဖြူကိုမြင်ရမှာ မဟုတ်ဘူး ။ ရင်ဘတ်ကစိုထိုင်းထိုင်းနဲ့
မျက်ရည်တွေလား သွေးတွေလား အသိစိတ်ကို ဖိပြီး မှိတ်ပစ်လိုက်တယ် ။
-
- မောင်မိုးမြင့်
- ၁ ၂ ၁ ၀ ၂ ၀ ၁ ၂ နံနက် ၂း၂၆ နာရီ
* အေးချမ်းကဗျာ စာသား
No comments:
Post a Comment