ကိုယ့်ကိုယ်ကို သတိထားကြည့်မိတော့
ခေါင်းပေါ်က ဆံပင်တွေက
တော်တော်ဖြူနေပြီ
အသက်အရွယ်တွေရလာတာနဲ့အမျှ
အလိုမကျမှုတွေများလာ
ကိုယ့်ကိုယ်ကို ယုံကြည်မှုတွေက
တစတစ နည်းလာတယ်။
အဆိုးမြင်ဝါဒီသမားတစ်ယောက်အဖြစ်ကို
မသိမသာရောက်ရှိလာတယ်။
ဘုရားတွေကို မယုံတော့ဘူး၊
လူ့အဖွဲ့အစည်းကို မယုံတော့ဘူး။
ယုံကြည်ချက်တွေကို မယုံတော့ဘူး။
အသက်က ၃၄
ကမ္ဘာကြီးကို ငြီးငွေ့နေချိန်မှာ
အင်္ဂါဂြိုဟ်ခရီးစဉ်ကိုပဲ
စောင့်မျော်နေချင်တော့တယ်။
မှူးသစ်
No comments:
Post a Comment